ഫുള് ഓണ്സ്റ്റുഡിയോസ് നിര്മിച്ച് മഹേഷ് വെട്ടിയാര് സംവിധാനം ചെയ്ത് മഞ്ജുവാര്യരും(Manju Warrier) സൗബിന്ഷാഹിറും(Soubin Shahir) പ്രധാനവേഷങ്ങളില് അഭിനയിക്കുന്ന ‘വെള്ളരിപട്ടണ'(Vellarikkapattanam)ത്തിന്റെ ഫസ്റ്റ് ലുക്ക് പോസ്റ്റര് പുറത്തിറങ്ങി. മമ്മൂട്ടി(Mammootty) സ്വന്തം ഫെയ്സ്ബുക്ക്(Facebook) പേജിലൂടെയാണ് ഫസ്റ്റ്ലുക്ക് പുറത്തിറക്കിയത്. ആട്ടിന്കുട്ടിയെ നെഞ്ചോട് ചേര്ത്ത് മഞ്ജു പ്രത്യക്ഷപ്പെടുമ്പോള് മുണ്ടിലും ഷര്ട്ടിലുമായി നാട്ടിന് പുറത്തുകാരനെ ഓര്മിപ്പിക്കുന്ന മട്ടിലാണ് സൗബിന് ഫസ്റ്റ് ലുക്കില് നിറയുന്നത്.
ആക്ഷന് ഹീറോ ബിജു, അലമാര, മോഹന്ലാല്, കുങ്ഫുമാസ്റ്റര് തുടങ്ങിയ സിനിമകള്ക്ക് ശേഷം ഫുള് ഓണ് സ്റ്റുഡിയോസ് നിര്മിക്കുന്ന ‘വെള്ളരിപട്ടണ’ത്തിന്റെ രചന നിര്വഹിച്ചത് മാധ്യമപ്രവര്ത്തകനായ ശരത്കൃഷ്ണയും സംവിധായകനും ചേര്ന്നാണ്. സലിംകുമാര്, സുരേഷ്കൃഷ്ണ, കൃഷ്ണശങ്കര്, ശബരീഷ് വര്മ, അഭിരാമി ഭാര്ഗവന്, കോട്ടയം രമേശ്, മാല പാര്വതി, വീണനായര്, പ്രമോദ് വെളിയനാട് തുടങ്ങിയവരാണ് ചിത്രത്തിലെ മറ്റ് പ്രധാന അഭിനേതാക്കള്.
അലക്സ് ജെ.പുളിക്കല് ആണ് ഛായാഗ്രഹണം. എഡിറ്റിങ് അപ്പു എന്.ഭട്ടതിരി. മധുവാസുദേവനും വിനായക് ശശികുമാറുമാണ് ഗാനരചയിതാക്കള്. സച്ചിന് ശങ്കര് മന്നത്ത് സംഗീതം പകരുന്നു. ജ്യോതിഷ് ശങ്കറാണ് കലാസംവിധായകന്. പ്രൊഡക്ഷന് കണ്ട്രോളര് ബെന്നി കട്ടപ്പന. ശ്രീജിത് ബി.നായരും കെ.ജി.രാജേഷ് കുമാറുമാണ് അസോസിയേറ്റ് ഡയറക്ടര്മാര്. പി.ആര്.ഒ. എ.എസ്.ദിനേശ്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here