തോട്ടപ്പള്ളി പൊഴിയിൽ കുളിക്കാനിറങ്ങിയ മെഡിക്കൽ വിദ്യാർഥിയെ കാണാതായി. കായംകുളം കൃഷ്ണപുരം പനയ്ക്കല്‍ വീട്ടില്‍ രാധാകൃഷ്ണന്റെയും രാധാമണിയുടെയും ഏകമകന്‍ ദേവനാരായണനെയാണ് (19) ഒഴിക്കില്‍പ്പെട്ട് കഴിഞ്ഞദിവസം കാണാതായത്.
മധുരയില്‍ ഫോറന്‍സിക് വിദ്യാര്‍ഥിയായ ദേവനാരായണൻ അവധിക്ക് നാട്ടില്‍ വന്നതായിരുന്നു. രണ്ട് സുഹൃത്തുക്കള്‍ക്കൊപ്പം വൈകിട്ടോടെ പൊഴിയില്‍ കുളിക്കാനിറങ്ങുന്നതിനിടെ മൂവരും അപകടത്തില്‍പ്പെടുകയായിരുന്നു.
ദേവനാരയണനൊപ്പം ഉണ്ടായിരുന്ന റിബിന്‍, ദിഖില്‍ എന്നിവരെ മത്സ്യത്തൊഴിലാളികളും നാട്ടുകാരും ചേര്‍ന്ന് രക്ഷപ്പെടുത്തി കരക്കെത്തിച്ചു. എന്നാല്‍ ദേവനാരായണനെ രക്ഷിക്കാനായില്ല. ഇവര്‍ അപകടത്തില്‍പ്പെട്ട സ്ഥലത്ത് പരിശോധന നടത്തിയെങ്കിലും ശക്തമായ ഒഴുക്ക് കാരണം രക്ഷാപ്രവർത്തനം മുടങ്ങി.
തുടര്‍ന്ന് കോസ്റ്റല്‍ പൊലീസ് ഫയര്‍ഫോഴ്സിനെ വിവരം അറിയിച്ച് തിരച്ചില്‍ ഊര്‍ജ്ജിതമാക്കി. ഇവരുടെ സഹായത്തിന് നേവിയില്‍ നിന്നുള്ള മുങ്ങല്‍ വിദഗ്ധരും എത്തിയിട്ടുണ്ട്.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
