ദുരൂഹ സാഹചര്യത്തില് മരിച്ച വ്ളോഗര് റിഫ മെഹ്നുവിന്റെ(Rifa Mehnu) ആന്തരികാവയവങ്ങള് നാളെ പരിശോധനയക്ക് അയക്കും. ശരീരത്തില് വിഷാംശം ഉണ്ടോ എന്നത് ഉള്പ്പടെയാണ് പരിശോധിക്കുക. റിഫയുടെ പോസ്റ്റ്മോര്ട്ടം റിപ്പോര്ട്ട്(Post mortem report) നാളെ പൊലീസിന്(Police) സമര്പ്പിച്ചേക്കും. റിഫ മെഹ്നുവിന്റെ മരണത്തിലെ ദുരൂഹത നീക്കാനുള്ള അടുത്ത ഘട്ട നടപടികളിലേക്ക് കടക്കുകയാണ് അന്വേഷണസംഘം. കോഴിക്കോട് മെഡിക്കല് കോളജ് ഫോറന്സിക് ലാബിലാണ് രാസപരിശോധന നടക്കുക.
മകളുടെ മരണത്തിലെ ദുരൂഹത നീങ്ങാന് ഏതറ്റം വരെയും പോകുമെന്ന് റിഫയുടെ മാതാപിതാക്കള് പറഞ്ഞു. പോസ്റ്റുമോര്ട്ടം റിപ്പോര്ട്ടില് മരണകാരണം വ്യക്തമാകുമെന്നാണ് കുടുംബത്തിന്റെ പ്രതീക്ഷ. പൊലീസ് അന്വേഷണത്തില് തൃപ്തരാണെന്നും കുടുംബം പ്രതികരിച്ചു. അതേസമയം പോസ്റ്റ്മോര്ട്ടം റിപ്പോര്ട്ടിലെ സങ്കീര്ണതകള് പരിശോധിച്ച ശേഷമായിരിക്കും മെഹനാസിനെ ചോദ്യം ചെയ്യുന്നതടക്കമുള്ള നടപടികളിലേക്ക് പൊലീസ് കടക്കുകയുള്ളുവെന്നാണ് സൂചന.
മാര്ച്ച് 1നാണ് വ്ളോഗര് റിഫ മെഹ്നുവിനെ ദുബായിലെ താമസസ്ഥലത്ത് മരിച്ച നിലയില് കണ്ടെത്തിയത്. ദുബായില് വച്ച് ഫോറന്സിക് പരിശോധന മാത്രമാണ് നടത്തിയിരുന്നത്. പോസ്റ്റുമോര്ട്ടം നടത്തിയിരുന്നില്ല. അതുകൊണ്ട് തന്നെ കേരളത്തില് വീണ്ടും പോസ്റ്റുമോര്ട്ടം ചെയ്യണമെന്നായിരുന്നു കുടുംബത്തിന്റെ ആവശ്യം. തുടര്ന്ന് ഇന്നലെ മൃതദേഹം പോസ്റ്റുമോര്ട്ടം ചെയ്തിരുന്നു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here