കിടുക്കാച്ചി ‘നോൺവെജ്-ഇടിയപ്പം’ കഴിച്ചിട്ടുണ്ടോ?

നോൺവെജ്-ഇടിയപ്പം കഴിച്ചിട്ടുണ്ടോ…അതാണ് സ്റ്റഫ്ഡ് ഇടിയപ്പം.കറിയൊന്നുമില്ലാതെ കഴിക്കാം ഈ സ്റ്റഫഡ് ഇടിയപ്പം.

അരിപൊടി – ഒരു കപ്പ്‌
വെള്ളം – ഒന്നര കപ്പ്‌
ഉപ്പ് -പാകത്തിന്
എണ്ണ -ഒരു ടി-സ്പൂൺ

വെള്ളം വെട്ടിതിളക്കുമ്പോൾ പാകത്തിന് ഉപ്പും എണ്ണയും അരിപൊടിയും ചേർത്ത് ഇടിയപ്പത്തിന്റെ പാകത്തിൽ കുഴച്ചു മാറ്റിവെക്കുക.

സ്റ്റഫ് ചെയ്യേണ്ട മസാലയ്ക്ക് ആവശ്യമായ സാധനം

ചെമ്മീൻ -250ഗ്രാം

ചെറിയുള്ളി -100ഗ്രാം

ഇഞ്ചി വെള്ളുത്തുള്ളി പേസ്റ്റ് -1ടേബിൾസ്പൂൺ

കറിവേപ്പില -ആവശ്യത്തിന്

ഉണക്ക മുളക് -3 എണ്ണം

മല്ലിപ്പൊടി -1ടേബിൾസ്പൂൺ

മുളക്പൊടി -1ടേബിൾസ്പൂൺ

മഞ്ഞൾപ്പൊടി -1/4 ടീസ്പൂൺ

ഗരംമസാല -1/2ടീസ്പൂൺ

കുരുമുളക് -1/2ടീസ്പൂൺ

ഉപ്പ് -പാകത്തിന്

എണ്ണ -പാകത്തിന്

തേങ്ങ (ഗോൾഡൻ നിറത്തിൽ വറുത്തത് )-1കപ്പ്‌

പാകം ചെയ്യുന്ന വിധം

ചെമ്മീൻനിൽ 1/4 ടീസ്പൂൺ വീതം മുളക്പൊടി മല്ലിപൊടി കുരുമുളക് പ്പൊടി ഒരു നുള്ള് ഉപ്പും മഞ്ഞൾപ്പൊടിയും ചേർത്ത് യോജിപ്പിച്ച് ഫ്രൈ ചെയ്യുക.ശേഷം ഒരു ചൂടായ പാത്രത്തിൽ എണ്ണ ഒഴിച്ച് ചെറിയുള്ളി വഴറ്റുക ശേഷം ഇഞ്ചി വെളുത്തുള്ളി പേസ്റ്റും ചേർത്ത് വഴറ്റുക അതിലേക്ക് ബാക്കി പൊടികളും ചേർത്ത് പച്ച മണം മാറിയാൽ ചെമ്മീന്നിട്ട് വഴറ്റി ചെറു തീയിൽ വേവിക്കുക. തീ ഓഫ്‌ ചെയ്ത ശേഷം തേങ്ങ വറുത്തതും കറിവേപ്പിലയും ഉണക്കമുളകും മൂപ്പിച്ചതും ചേർത്ത് യോജിപ്പിക്കുക.

ഒരു ആവിചെമ്പിൽ ആവശ്യത്തിന് വെള്ളമൊഴിച്ച് തട്ടിൽ ഒരു പരന്ന സ്റ്റീൽ പ്ലേറ്റിൽ എണ്ണ തടവി സേവ നാഴിയിൽ അരിമാവ് ചേർത്ത് ഒരു ഇടിയപ്പം ആ പ്ലേറ്റിൽ ചുറ്റുക അതിന് മേലെ ചെമ്മീൻ മസാല വച്ച് മസാലയ്ക്ക് മുകളിൽ മസാല പുറമെ കാണാത്ത രീതിയിൽ ഇടിയപ്പം ചുറ്റുക പിന്നെ പാത്രം അടച്ച് വെച്ച് വേവിക്കുക.അടിപൊളി സ്റ്റഫ്ഡ് ഇടിയപ്പം റെഡി

കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും  ലഭ്യമാണ്.  വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here