എന്നും തെലുങ്ക് സിനിമകളുടെ ഭാഗമായിരിക്കാനാണ് ആഗ്രഹമെന്ന് തെന്നിന്ത്യൻ താരം മഹേഷ് ബാബു. ഹിന്ദിയിൽ നിന്ന് ഒരുപാട് അവസരങ്ങൾ ഉണ്ടായിട്ടും താൻ അഭിനയിക്കാൻ താല്പര്യം പ്രകടിപ്പിച്ചത് അവർ തന്നെ അർഹിക്കത്തത് കൊണ്ടാണ് എന്നും താരം കൂട്ടിച്ചേർത്തു. തെലുങ്ക് ചിത്രം മേജറിന്റെ ട്രെയ്ലർ പ്രകാശനചടങ്ങിലാണ് മഹേഷ് ബാബുവിന്റെ പ്രതികരണം.
അദ്ദേഹത്തിന്റെ ആദ്യ പ്രൊഡക്ഷൻ സംരംഭം കൂടിയാണ് മേജർ. പാൻ ഇന്ത്യൻ നടനായി മാറുക എന്നതിലുപരി ദക്ഷിണേന്ത്യയിൽ നിന്നുള്ള തെലുങ്ക് സിനിമ മേഖലയെ വിജയിപ്പിക്കലായിരുന്നു തന്റെ ലക്ഷ്യം. നിലവിൽ പാൻ ഇന്ത്യൻ തലത്തിൽ തെലുങ്ക് സിനിമകൾ ബോളിവുഡിനൊപ്പമെത്തി നിൽക്കുന്നു എന്നതിൽ സന്തോഷം. രാജ്യത്താകമാനം തെലുങ്ക് സിനിമകൾക്ക് ലഭിക്കുന്ന സ്വീകാര്യതയെക്കുറിച്ചും മഹേഷ് ബാബു കൂട്ടിച്ചേർത്തു.
എനിക്ക് ഹിന്ദിയിൽ നിന്ന് ഒരുപാട് ഓഫറുകൾ ലഭിച്ചിരുന്നു, പക്ഷെ അവർ എന്നെ അർഹിക്കുന്നില്ല. എനിക്ക് താരപരിവേഷം നൽകിയത് തെലുങ്ക് സിനിമയാണ്. ഇവിടെ തുടരാനാണ് താൻ ആഗ്രഹിക്കുന്നൂത്. മറ്റൊരു ഇൻഡസ്ട്രിയിലേക്ക് പോകുന്നതിനെക്കുറിച്ച് ഞാൻ ചിന്തിച്ചിട്ടില്ല. അതിനായി സമയം കളയാൻ ആഗ്രഹിക്കുന്നുമില്ല. ഞാൻ എന്നും തെലുങ്ക് സിനിമകളുടെ ഭാഗമാകാനാണ് ഇഷ്ടപ്പെടുന്നത്. ഇന്ത്യയിലുടനീളമുള്ള ജനങ്ങൾ അത് കാണണമെന്നുമാണ് ഞാൻ ആഗ്രഹുക്കുന്നത്. ഇപ്പോൾ അത് സാധ്യമായതിൽ അതിയായ സന്തോഷത്തിലാണ്. മഹേഷ് ബാബു മാധ്യമങ്ങളോട് പറഞ്ഞു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here