പ്രഭാത ഭക്ഷണത്തിൽ ദോശ പ്രധാനമാണ്. വ്യത്യസ്ത രുചിയിലുള്ള ദോശകൾ നാം തയാറാക്കാറുണ്ട്. എന്നാൽ ഇത്തവണ ചെറുപയർ കൊണ്ട് ദോശ തയാറാക്കിയാലോ. വളരെ എളുപ്പത്തിലും രുചിയോടെയും തയാറാക്കാവുന്ന ഒന്നാണ് ചെറുപയർ ദോശ. രുചികരമായ ചെറുപയർ ദോശ തയാറാക്കേണ്ടത് എങ്ങനെയെന്ന് നോക്കാം.
ചേരുവകൾ
ചെറുപയർ 2 കപ്പ്
പച്ചമുളക് 3 എണ്ണം
ചുവന്ന മുളക് 4 എണ്ണം
ഇഞ്ചി ഒരു സ്പൂൺ
ജീരകം ഒരു സ്പൂൺ
ഉപ്പ് ആവശ്യത്തിന്
വെള്ളം ആവശ്യത്തിന്
കറിവേപ്പില 2 തണ്ട്
തയാറാക്കുന്ന രീതി
ചെറുപയർ ആവശ്യത്തിന് വെള്ളം ഒഴിച്ച് രാത്രി കുതിരാൻ വയ്ക്കുക. രാവിലെ, മിക്സിയുടെ ജാറിൽ, ചെറുപയർ, പച്ച മുളക്, ചുവന്ന മുളക്, കറിവേപ്പില, ഇഞ്ചി, ഉപ്പ് എന്നിവ ചേർത്ത് ആവശ്യത്തിന് വെള്ളം ഒഴിച്ചു ദോശ മാവിന്റെ പാകത്തിന് അരച്ച് എടുക്കുക. ദോശ കല്ല് ചൂടാകുമ്പോൾ മാവ് ഒഴിച്ച് നല്ലെണ്ണയും ഒഴിച്ച് നല്ല ഹെൽത്തി ദോശ തയാറാക്കി എടുക്കാം.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
