തൃക്കാക്കരയില് ജോ ജോസഫിനെതിരെ അപരനെ മത്സരിപ്പിക്കുന്ന യുഡിഎഫ് നീക്കം തുടക്കത്തില് തന്നെ കോണ്ഗ്രസിന് അടിപതറിയതു കെണ്ടാണെന്ന് സിപിഐഎം സംസ്ഥാന സെക്രട്ടറിയേറ്റംഗം എം സ്വരാജ്.
എല്ഡിഎഫ് സ്ഥാനാര്ത്ഥിക്ക് ലഭിക്കുന്ന ജനസ്വീകാര്യത കുറച്ചൊന്നുമല്ല കോണ്ഗ്രസിന്റെ ഉറക്കം കെടുത്തുന്നത്. വിജയം അസാധ്യമെന്ന് ഉറപ്പായപ്പോള് പതിവുപോലെ തരംതാഴ്ന്ന തട്ടിപ്പു പരിപാടികളുമായി രംഗത്തിറങ്ങുകയാണ് കോണ്ഗ്രസെന്നും അദ്ദേഹം ഫേസ്ബുക്കില് കുറിച്ചു.
ഫേസ്ബുക്ക് കുറിപ്പ്…
ഡോ.ജോ ജോസഫിനെ തേടി വയനാട്ടിലേയ്ക്ക്…..
തൃക്കാക്കര ഉപതിരഞ്ഞെടുപ്പിന്റെ ആദ്യഘട്ടത്തില് തന്നെ കോണ്ഗ്രസിന് അടിപതറിയിരിക്കുന്നു.എല് ഡി എഫ് സ്ഥാനാര്ത്ഥിയ്ക്കു ലഭിയ്ക്കുന്ന സ്വീകാര്യത ഒട്ടൊന്നുമല്ല കോണ്ഗ്രസ് നേതാക്കന്മാരുടെ ഉറക്കം കെടുത്തുന്നത്.
കോണ്ഗ്രസില് തന്നെ ഒരു വിഭാഗം വികസനത്തോടൊപ്പമാണ് തങ്ങളെന്ന് പരസ്യമായി പ്രഖ്യാപിച്ചു കഴിഞ്ഞു.
രാഷ്ട്രീയത്തിനുപരിയായി വികസനപക്ഷം ചേര്ന്ന് നടക്കാന് ജനങ്ങളൊന്നടങ്കം സന്നദ്ധമാവുന്നതിന്റെ ദൃശ്യങ്ങളാണെങ്ങും.
യു ഡി എഫിന് വിജയം അസാധ്യമെന്ന് ഉറപ്പായപ്പോള് പതിവുപോലെ തരം താഴ്ന്ന തട്ടിപ്പു പരിപാടികളുമായി രംഗത്തിറങ്ങാനാണ് കോണ്ഗ്രസിലെ അണിയറ നീക്കമത്രെ.
ഇടതുമുന്നണി സ്ഥാനാര്ത്ഥിയുടെ അതേ പേരുള്ള ഒരു അപരനെ തേടി തെക്കുവടക്ക് അലയുകയായിരുന്ന കോണ്ഗ്രസ് നേതാക്കന്മാര്ക്ക് ഏതാണ്ട് അതേ പേരില് ഒരാളെ വയനാട്ടില് നിന്നു കണ്ടു കിട്ടിയെന്നാണ് കോണ്ഗ്രസിലെ ഒരു സുഹൃത്ത് രഹസ്യമായി ഇപ്പോള് പറഞ്ഞത് . വയനാട്ടില് ആശാന്പറമ്പില് വീട്ടിലെ ഒരു 44 കാരനെയാണത്രെ വലവീശി പിടിച്ചിരിയ്ക്കുന്നത്.!
അതെ, അപരനെ നിര്ത്തി വോട്ടര്മാരെ പറ്റിയ്ക്കാനാണ് പരിപാടി. അപരന് ലഭിയ്ക്കുന്ന അബദ്ധ വോട്ടുകളുടെ ബലത്തില് ജയിക്കാനാകുമോ എന്ന അറ്റകൈ പ്രയോഗത്തിനാണ് കോപ്പുകൂട്ടുന്നത്.
തട്ടിപ്പും തരികിടയും അപരനെ നിര്ത്തി പറ്റിയ്ക്കലുമായി തൃക്കാക്കരയില് ഇറങ്ങുന്ന കോണ്ഗ്രസ് വെല്ലുവിളിയ്ക്കുന്നത് ജനാധിപത്യത്തെയും രാഷ്ട്രീയത്തിലെ ധാര്മികതയെയും മാത്രമല്ല തൃക്കാക്കരയിലെ ഓരോ വോട്ടറെയുമാണ്.
കുടിലതയുടെ കോണ്ഗ്രസ് രാഷ്ട്രീയം നൂറ് അപരന്മാരെ നിര്ത്തട്ടെ..
വോട്ടര്മാരെയും ജനാധിപത്യത്തെയും പരിഹസിയ്ക്കുന്ന തട്ടിപ്പു പരിപാടിയ്ക്കു എല് ഡി എഫ് ഇല്ല എന്ന് ഉറപ്പിച്ചു പറയുന്നു.
അപരനെ നിര്ത്തിയും ജനങ്ങളെ പറ്റിച്ചുമല്ല മറിച്ച് ജനങ്ങളുടെ വിശ്വാസം നേടിയാണ് വിജയിക്കേണ്ടത്. രാഷ്ട്രീയ ധാര്മികതയുടെ പതാകയുമായി ഇടതുപക്ഷം തിളക്കമാര്ന്ന വിജയം നേടും.തട്ടിപ്പു സംഘത്തിന്റെ നാണം കെട്ട വേലത്തരങ്ങള്ക്ക് തൃക്കാക്കരയിലെ വോട്ടര്മാര് മറുപടി നല്കും തീര്ച്ച.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here