തോമസ് കപ്പ് നേടിയ ഇന്ത്യൻ ബാഡ്മിന്റൺ താരങ്ങൾളെ ബഹു. നിയമസഭാ സ്പീക്കർ ശ്രീ. എം ബി രാജേഷ് അഭിനന്ദിച്ചു.തോമസ് കപ്പിന്റെ 73 വർഷത്തെ ചരിത്രത്തിൽ ആദ്യമായാണ് ഇന്ത്യ കിരീടം നേടുന്നത്.
14 തവണ ചാമ്പ്യൻമാരായ ശക്തരായ ഇൻഡോനേഷ്യയെ പരാജയപ്പെടുത്തിയാണ് ഇന്ത്യയുടെ ചരിത്ര വിജയമെന്നത് ശ്രദ്ധേയമാണ്. മെൻസ് സിംഗിൾസിൽ വിജയിച്ച ലക്ഷ്യ സെന്നിനും ഡബിൾസിൽ വിജയം നേടിയ സാത്വിക് സായ്രാജ് രംഗറെഡ്ഡി – ചിരാഗ് ഷെട്ടി സഖ്യത്തിനും അഭിനന്ദനങ്ങൾ അർപ്പിച്ചു .
ഇന്ത്യയെ മികച്ച വിജയത്തിലേക്ക് നയിക്കുന്നതിൽ മുഖ്യ പങ്ക് വഹിച്ച മലയാളി താരം എച്ച് എസ് പ്രണോയിക്കും സ്പീക്കർ പ്രത്യേകം അഭിനന്ദനം നേർന്നു. കായികപ്രേമികളുടെയാകെ സന്തോഷത്തിൽ സ്പീക്കറും പങ്കു ചേർന്നു.
Badminton: തോമസ് കപ്പ് ബാഡ്മിന്റണ്‍: ഇന്ത്യയ്ക്ക് സ്വര്‍ണം
തോമസ് കപ്പ് ബാഡ്മിന്റണില്‍ ( Badminton) ഇന്ത്യയ്ക്ക് സ്വര്‍ണം. ഫൈനലിലെ ആദ്യ മൂന്ന് മത്സരങ്ങളും വിജയിച്ചാണ് ഇന്ത്യ കിരീടം സ്വന്തമാക്കിയത്. ഫൈനലില്‍ ഇന്തോനേഷ്യയെ തകര്‍ത്താണ് ഇന്ത്യ ആദ്യമായി കിരീടമണിഞ്ഞത്.
രണ്ട് സിംഗിള്‍സിലും ഒരു ഡബിള്‍സിലുമാണ് ജയം. ഇനി രണ്ട് മത്സരങ്ങള്‍ കൂടി ബാക്കിയുണ്ട്. സെമിഫൈനലില്‍ ഡെന്മാര്‍ക്കിനെ തോല്‍പിച്ചായിരുന്നു ഇന്ത്യയുടെ ഫൈനല്‍ പ്രവേശനം. 73 വര്‍ഷത്തെ പാരമ്പര്യമുള്ള തോമസ് കപ്പില്‍ ആദ്യമായാണ് ഇന്ത്യ കിരീടം നേടുന്നത്.
ആദ്യ മെന്‍സ് സിംഗ്ള്‍സില്‍ ഇന്ത്യയുടെ ലക്ഷ്യ സെന്‍ ഇന്തോനേഷ്യയുടെ ആന്റണി സിനിസുക ഗിന്റിങ്ങിനെ പരാജയപ്പെടുത്തി. സ്‌കോര്‍ 21-8, 17-21, 16-21. രണ്ടം മത്സരത്തില്‍ ഇന്ത്യയുടെ സത്‌വിക്‌സായ്രാജും ചിരാഗ് ഷെട്ടിയും ചേര്‍ന്ന് ഇന്തോനേഷ്യയുടെ മുഹമ്മദ് അഹ്‌സാന്‍, കെവിന്‍ സഞ്ജയ ജോഡിയെയാണ് പരാജയപ്പെടുത്തിയത്.സ്‌കോര്‍: 18-21, 23-21, 21-19.
ആദ്യം ഗെയിം നഷ്ടപ്പെടുത്തിയ ലക്ഷ്യ സെന്‍ മികച്ച തിരിച്ചുവരവാണ് മത്സരത്തില്‍ നടത്തിയത്. ആദ്യ ഗെയിമില്‍ എട്ട് പോയിന്റ് മാത്രം നേടിയ ലക്ഷ്യ, അടുത്ത രണ്ട് ഗെയിമിലും മികച്ച പോരാട്ടം നടത്തി മത്സരം കൈപിടിയില്‍ ഒതുക്കുകയായിരുന്നു. മൂന്നാം മത്സരത്തില്‍ കിഡംബി ശ്രീകാന്ത്, ജൊനാദന്‍ ക്രിസ്റ്റിയെ തകര്‍ത്തു. സ്‌കോര്‍: 21-15, 23-21.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
