ഇടുക്കി തൊടുപുഴയില്‍ സ്വകാര്യ ബസിടിച്ച് മറിഞ്ഞുവീണ ബൈക്ക് യാത്രക്കാരന്റെ തലയിലൂടെ ബസ് കയറിയിറങ്ങി ദാരുണാന്ത്യം. റിട്ടയേഡ് എസ്‌ഐ പുറപ്പുഴ സ്വദേശി അറുപത്തിരണ്ടുകാരനായ ചന്ദ്രന്‍ ആണ് മരിച്ചത്. തൊടുപുഴ- ഇടുക്കി റോഡില്‍ കെഎസ്ആര്‍ടിസി ബസ് സ്റ്റാന്‍ഡിന് സമീപമാണ് അപകടം. ട്രാഫിക്ക് ബ്ലോക്കിനിടയില്‍ ബസിനെ മറികടക്കാന്‍ ശ്രമിക്കുന്നതിനിടെ ബസ് തട്ടി ബൈക്ക് യാത്രക്കാരന്‍ റോഡിലേക്ക് വീഴുകയായിരുന്നു.
ഷഹാനയുടെ മരണം; ഫോറന്‍സിക്ക് സംഘം വീണ്ടും പരിശോധന നടത്തി
മോഡല്‍ ഷഹാനയുടെ മരണത്തില്‍ പറമ്പില്‍ ബസാറിലെ വീട്ടില്‍ ഫോറന്‍സിക്ക് സംഘം വീണ്ടും പരിശോധന നടത്തി. ഷഹാനയുടേത് ആത്മഹത്യ തന്നെയാണോ എന്നുറപ്പിക്കാനാണ് ശാസ്ത്രീയ പരിശോധന. അതേസമയം കേസില്‍ സജാതിനെ കസ്റ്റഡിയില്‍ ആവശ്യപ്പെട്ട് അന്വേഷണ സംഘം ഇന്ന് അപേക്ഷ നല്‍കും.
ഷഹാനയുടെ മരണം ആത്മഹത്യ തന്നെയാണോ എന്നുറപ്പിക്കാനാണ് പറമ്പില്‍ ബസാറിലെ വീട്ടില്‍ ഫോറന്‍സിക്ക് സംഘം വീണ്ടും പരിശോധന നടത്തിയത്. ഷഹാന തുങ്ങി എന്ന് പറയുന്ന കയര്‍ ഫോറന്‍സിക് സംഘം പരിശോധിച്ചു. കയറില്‍ തൂങ്ങി മരിക്കാന്‍ സാധിക്കുമെന്നാണ് ഫോറന്‍സിക് സംഘത്തിന്റെ വിലയിരുത്തലെന്ന് എസിപി കെ സുദര്‍ശന്‍ പറഞ്ഞു.
നിലവില്‍ ഷഹാനയുടെ മരണം ആത്മഹത്യ തന്നെയാണെന്ന നിഗമനത്തിലാണ് അന്വേഷണ സംഘം. എന്നാല്‍ കേസില്‍ ഭര്‍ത്താവ് സജാതിനെ വീണ്ടും ചോദ്യം ചെയ്യേണ്ടതുണ്ടെന്നും. വൈകാതെ കസ്റ്റഡിയില്‍ വാങ്ങുമെന്നും എസിപി കൂട്ടിച്ചേര്‍ത്തു. ഭക്ഷ്യ വില്‍പ്പനയുടെ മറവില്‍ സജാത് ലഹരി വില്‍പ്പന നടത്തിയിരുന്നതായ് അന്വേഷണ സംഘം കണ്ടെത്തിയിട്ടുണ്ട്.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
