യുവതിയോട് സംസാരിച്ചതിന്റെ പേരില് ഇരുപതുകാരന് ക്രൂര മര്ദനം. നഗ്നനാക്കി ഗ്രാമത്തിലൂടെ നടത്തിക്കുകയും ചെയ്തു. കര്ണാടകയിലാണ്(Karnataka) ക്രൂരമായ സംഭവം നടന്നത്.
കര്ണാകയിലെ ധവാംഗരെ വില്ലേജിലെ അട്ടിക്കരെയിലാണ് അക്രമ നടന്നത്. സംഭവം സോഷ്യല് മീഡിയയിലും പ്രചരിച്ചു. കഴിഞ്ഞയാഴ്ചയാണ് അക്രമം നടന്നതെങ്കിലും സോഷ്യല് മീഡിയയില് അടുത്തിടെ വീഡിയോ പ്രചരിച്ചതോടെയാണ് സംഭവം പുറംലോകമറിയുന്നത്.
അട്ടിക്കരെ വില്ലേജിലെ ഗണേശിനാണ് മര്ദനമേറ്റത്. മകനെ വീട്ടില് നിന്നും യുവതിയുടെ ബന്ധുക്കള് വിളിച്ചിറക്കിക്കൊണ്ടുപോയതായി ഗണേശിന്റെ അമ്മ രേണുക പൊലീസിന് നല്കിയ പരാതിയില് പറഞ്ഞു.
ഒരു കല്യാണ മണ്ഡപത്തില് രണ്ട് ദിവസം തടവിലാക്കി മര്ദിക്കുകയും, ശേഷം നഗ്നനാക്കി ഗ്രാമത്തിലൂടെ നടത്തിക്കുകയായിരുന്നുവെന്നും പരാതിയില് പറഞ്ഞു. തന്റെ അഭ്യര്ഥനകളൊന്നും കേള്ക്കാതെയാണ് തന്റെ മകനെ കൊണ്ടുപോയതെന്ന് രേണുക പറഞ്ഞു.
‘ചാറ്റുകള് പരിശോധിച്ചപ്പോള്, യുവതി ഗണേശിനെ സമീപിച്ചതായാണ് മനസിലാക്കാന് സാധിച്ചത്. എന്നാല്, യുവതിയുടെ ബന്ധുക്കള് ഗണേശിനെ അക്രമിക്കുകയായിരുന്നു- പൊലീസ് ഉദ്യോഗസ്ഥന് പറഞ്ഞു.സംഭവത്തില് രണ്ട് പോരെ അറസ്റ്റ് ചെയ്തു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here