തിരുവനന്തപുരം(Thiruvananthapuram) തമ്പാനൂരിലെ ചൈല്‍ഡ് കെയര്‍ സെന്ററില്‍(Child care centre) നിന്ന് കാണാതായ നാല് കുട്ടികളില്‍ ഒരാളെ കണ്ടെത്തി. വട്ടിയൂര്‍ക്കാവിലെ വീട്ടില്‍ കുട്ടി എത്തിയതായി വിവരം ലഭിച്ചെന്ന് പൊലീസ് അധികൃതര്‍ വ്യക്തമാക്കി. പതിനഞ്ചും പതിനാറും വയസുള്ള ആണ്‍കുട്ടികളെയാണ് ഇന്ന് ഉച്ചയ്ക്ക് ശേഷം കാണാതായത്. സിഡബ്ലിയുസി നിര്‍ദേശപ്രകാരം തമ്പാനൂര്‍ ഡോണ്‍ ബോസ്‌കോ ചൈല്‍ഡ് കെയര്‍ സെന്ററില്‍ പാര്‍പ്പിച്ച കുട്ടികളാണിവര്‍. കുട്ടികള്‍ ലഹരിക്കടിമകളാണെന്ന് ഡോണ്‍ ബോസ്‌കോ അധികൃതര്‍ പറഞ്ഞു. ബാക്കി എല്ലാവരും വീടുകളിലേക്ക് പോയെന്നാണ് പൊലീസ് നല്‍കുന്ന വിവരം.
പാലക്കാട്ടെ പൊലീസുകാരുടെ മരണം: രണ്ടുപേര്‍ കസ്റ്റഡിയില്‍
പാലക്കാട് മുട്ടിക്കുളങ്ങരയിൽ ക്യാംപിലെ പൊലീസുകാരെ വയലിൽ മരിച്ച നിലയിൽ കണ്ടെത്തിയതിൽ രണ്ടുപേർ കസ്‌റ്റഡിയിൽ. ഹവിൽദാർമാരായ മോഹൻദാസ്, അശോകൻ എന്നിവരുടെ മരണം ഷോക്കേറ്റെന്നാണ് പ്രാഥമിക നിഗമനം.
വയൽ ഉടമ ഉൾപ്പെടെ രണ്ടു പേരാണ് കസ്റ്റഡിയിലായിട്ടുള്ളത്. മൃതദേഹം കണ്ടെത്തിയതും വയലിനോട് ചേർന്നുള്ള സ്ഥലത്താണ്. കാട്ടുപന്നിയെ പിടികൂടാൻ കസ്റ്റഡിയിലുള്ള യുവാക്കളിൽ ഒരാൾ വൈദ്യുതിക്കെണി സ്ഥാപിച്ചിരുന്നു. രാത്രിയിൽ പന്നി കുടുങ്ങിയിട്ടുണ്ടോ എന്നറിയാൻ സ്ഥലത്തെത്തിയപ്പോഴാണ് പൊലീസുകാരെ മരിച്ചനിലയിൽ കണ്ടെത്തിയത്.
പിന്നാലെ പൊലീസുകാരുടെ മൃതദേഹം യുവാവ് വയലിന്റെ രണ്ടിടങ്ങളിലായി കൊണ്ടിടുകയായിരുന്നു. ഒരാളുടെ അറസ്റ്റ് രാത്രിയോടെ രേഖപ്പെടുത്തിയേക്കും. പൊലീസുകാരുടെ മൃതദേഹം പാലക്കാട് ജില്ലാ ആശുപത്രിയിലെ പോസ്റ്റുമോർട്ടത്തിന് ശേഷം ബന്ധുക്കൾക്ക് വിട്ടു നൽകും.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
