പോപ്പുലര് ഫ്രണ്ടിന്റെയും (Popular Friend) ബജറംഗ ദളിന്റെയും (Bajranga Dal) ജനമഹാസമ്മേളനത്തിന്റെ ഭാഗമായ വോളണ്ടിയര് മാർച്ച് ഇന്ന് ആലപ്പുഴയില് (Alappuzha) നടക്കും. രാവിലെ പത്ത് മണിക്കാണ് ബജറംഗ ദളിന്റെ ഇരുചക്ര വാഹനറാലി.
വൈകീട്ട് നാലരക്കാണ് കല്ലുപാലത്ത് നിന്ന് ബീച്ചിലേക്ക് പോപ്പുലര് ഫ്രണ്ടിന്റെ മാര്ച്ചും ബഹുജന റാലിയും നടക്കുന്നത് . ഒരേസമസയത്താണ് ഇരു സംഘടനകളും നേരത്തെ പ്രകടനങ്ങള് നിശ്ചയിച്ചത്. സംഘർഷ സാധ്യത കണക്കിലെടുത്ത് പൊലീസ് രണ്ട് സമയം നിശ്ചയിച്ചു നല്കുകയായിരുന്നു. ജില്ലയിലെ ഇരുസംഘടനകളുടെയും പ്രകടനങ്ങള് കണക്കിലെടുത്ത് നഗരത്തിൽ വന് പൊലീസ് സന്നാഹം ഏര്പ്പെടുത്തിയിരിക്കുകയാണ്.
ആലപ്പുഴക്ക് പുറമേ ,എറണാകുളം , കോട്ടയം ജില്ലകളില്നിന്നുള്പ്പെടെ ആയിരത്തിലധികം പൊലീസുകാരെയും ജില്ലയിൽ വിന്യസിപ്പിക്കും. എറണാകുളം റേഞ്ച് ഡിഐജി നീരജ് ഗുപ്ത നേരിട്ട് സ്ഥിതിഗതികൾ നിയന്ത്രിക്കും. പ്രകടനം കടന്നുപോകുന്ന വഴികളില് കച്ചവടസ്ഥാപനങ്ങള് തുറക്കരുതെന്ന് പൊലീസ് നിർദേശം നല്കിയിട്ടുണ്ട്. ബജ്റംഗ്ദള് പ്രകടനം കടന്നുപോകുന്ന സ്ഥലങ്ങളില് ഉച്ചക്ക് രണ്ട് മണി വരെ കടകള് തുറക്കാന് പാടില്ല. പോപ്പുലര് ഫ്രണ്ട് പ്രകടനം കടന്നുപോകുന്ന സ്ഥലങ്ങളില് ഉച്ചക്ക് രണ്ട് മുതല് കടകള് അടച്ചിടണമെന്നും നിർദേശങ്ങളുണ്ട്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here