ADVERTISEMENT
തൃക്കാക്കര മണ്ഡലം എല്‍ ഡി എഫ് പ്രകടനപത്രിക പുറത്തിറക്കി. പ്രകടന പത്രിക എല്‍ ഡി എഫ് കണ്‍വീനര്‍ ഇ പി ജയരാജന്‍ പ്രകാശനം ചെയ്തു. തൃക്കാക്കരയെ ലോകശ്രദ്ധയാകര്‍ഷിക്കുന്ന പ്രദേശമായി വളര്‍ത്തിയെടുക്കുമെന്ന് ഇ പി ജയരാജന്‍ പറഞ്ഞു. തൃക്കാക്കരയെ മാലിന്യമുക്ത പ്രദേശമാക്കും.
തൃക്കാക്കരയില്‍ മുഴുവന്‍ കുടുംബങ്ങള്‍ക്കും കുടിവെള്ളം ഉറപ്പാക്കുമെന്നും തൃക്കാക്കരയില്‍ പ്രാദേശിക കളിസ്ഥലങ്ങള്‍ നിര്‍മ്മിക്കുമെന്നും മെട്രോ വിപുലീകരിച്ച് യാത്രാക്ലേശം പരിഹരിക്കുമെന്നും എല്‍ ഡി എഫ് കണ്‍വീനര്‍ ഇ പി ജയരാജന്‍ പറഞ്ഞു.
തൃക്കാക്കര മണ്ഡലത്തിൻ്റെ സമഗ്ര വികസനം ഉറപ്പു നൽകി എൽ ഡി എഫ് പ്രകടനപത്രിക. കെ.റെയിലും, മെട്രോയും, വാട്ടർ മെട്രോയും ഒന്നിക്കുന്ന ഒരു ട്രാവൽ ഹബ്ബായി തൃക്കാക്കരയെ മാറ്റുമെന്ന് LDF വാഗ്ദാനം. തൃക്കാക്കര മണ്ഡലം ഇലക്ഷൻ കമ്മിറ്റി ഓഫീസിൽ നടന്ന ചടങ്ങിൽ LDF കൺവീനർ ഇ പി ജയരാജൻ പ്രകടനപത്രിക പുറത്തിറക്കി
കേരളത്തിനൊപ്പം കുതിക്കാൻ തൃക്കാക്കരയും എന്ന പേരിലാണ് എൽ ഡി എഫ് പ്രകടനപത്രിക. കെ.റെയിലും, മെട്രോയും, വാട്ടർ മെട്രോയും ഒന്നിക്കുന്ന ഒരു ട്രാവൽ ഹബ്ബായി തൃക്കാക്കരയെ മാറ്റുമെന്നാണ് വാഗ്ദാനം. വിനോദ – വാണിജ്യ കേന്ദ്രമായി തൃക്കാക്കരയെ മാറ്റാൻ ബ്ലിസ് സിറ്റി യാഥാർത്ഥ്യമാക്കും.
മുഴുവൻ കുടുംബങ്ങൾക്കും കുടിവെള്ളം, മാലിന്യമുക്ത പ്രദേശമാക്കും, കാക്കനാട് ജില്ലാ ആസ്ഥാനത്ത് ആധുനിക സൗകര്യങ്ങളോടെ സർക്കാർ ആശുപത്രി, എന്നിങ്ങനെ നിരവധി ഉറപ്പുകളാണ് പ്രകടനപത്രിക മുന്നോട്ട് വെക്കുന്നത്. തൃക്കാക്കരയെ ലോകശ്രദ്ധയാകർഷിക്കുന്ന പ്രദേശമായി വളർത്തിയെടുക്കുമെന്ന് പ്രകടനപത്രിക പുറത്തിറക്കിയ ശേഷം LDF കൺവീനർ ഇ പി ജയരാജൻ പറഞ്ഞു.
പ്രാദേശിക കളിസ്ഥലങ്ങൾ നിർമ്മിക്കും. വെള്ളക്കെട്ട് പരിഹരിക്കും, ഗാർഹിക പീഡനത്തിന് ഇരയാക്കപ്പെടുന്നവർക്ക് സൗജന്യ നിയമ സഹായ വേദി രൂപീകരിക്കാ തുടങ്ങിയ വാഗ്ദാനങ്ങളും പ്രകടന പത്രികയിലുണ്ട്.
തൃക്കാക്കരയുടെ വികസന മുരടിപ്പിന് കാരണം യു ഡി എഫാണെന്നും ഇ പി ജയരാജൻ പറഞ്ഞു. മന്ത്രി പി രാജീവ് ഉൾപ്പടെയുള്ള LDF നേതാക്കൾ പ്രകടനപത്രിക പുറത്തിറക്കിയ ചടങ്ങിൽ പങ്കെടുത്തു
അതേസമയം തൃക്കാക്കര ഉപതെരഞ്ഞെടുപ്പ് ദിവസമായ 31ന്‌ മണ്ഡലത്തിൽ പൊതു അവധി പ്രഖ്യാപിച്ചു. സർക്കാർ, അർധസർക്കാർ സ്ഥാപനം, വിദ്യാഭ്യാസ സ്ഥാപനം, നെഗോഷ്യബിൾഇൻസ്‌ട്രുമെന്റേഷൻആക്‌ടിന്റെ പരിധിയിൽ വരുന്ന വാണിജ്യ സ്ഥാപനം തുടങ്ങിയവയ്‌ക്ക്‌ അവധി ബാധകമാണ്‌.
സ്വകാര്യ സ്ഥാപനം, സ്വകാര്യ വ്യവസായ കേന്ദ്രം, ഷോപ്സ് ആൻഡ് കൊമേഴ്സ്യൽ എസ്റ്റാബ്ലിഷ്മെന്റ് ആക്ടിന്റെ പരിധിയിൽ വരുന്ന മറ്റു സ്വകാര്യ സ്ഥാപനം എന്നിവിടങ്ങളിലെ ജീവനക്കാർക്ക് ഈ ദിവസം ശമ്പളത്തോടെയുള്ള അവധി അനുവദിക്കണം.
ഇതിനുള്ള നടപടി സ്വീകരിക്കാൻ ലേബർകമീഷണർക്ക്‌ സർക്കാർ നിർദേശം നൽകി. തൃക്കാക്കരയിലെ സമ്മതിദായകരായ മണ്ഡലത്തിനുപുറത്ത്‌ ജോലി ചെയ്യുന്നവർക്കും ശമ്പളത്തോടെയുള്ള അവധി ബാധകമായിരിക്കും.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
Get real time update about this post categories directly on your device, subscribe now.
