നടിയെ ആക്രമിച്ച കേസില് അതിജീവിത ഹൈക്കോടതിയെ സമീപിച്ചു. തുടരന്വേഷണം വേഗത്തില് അവസാനിപ്പിക്കരുതെന്നാണ് അതിജീവിതയുടെ ആവശ്യം. ഹര്ജിയില് കേസ് അട്ടിമറിക്കാന് നീക്കം നടക്കുന്നതായി സംശയമെന്നും അതിജീവത അറിയിച്ചു.
വിഷയത്തില് ഹൈക്കോടതി ഇടപെടണമെന്നും അന്വേഷണം കാര്യക്ഷമമാക്കണമെന്നും ഹര്ജിയില് അതിജീവത ആവശ്യപ്പെട്ടു. പ്രതിപ്പട്ടികയില് ദിലീപിന്റെ ഭാര്യ കാവ്യ മാധവനെ ചേര്ക്കാന് ശ്രമം നടക്കുന്നതിനിടെയാണ് അപ്രതീക്ഷിതമായി അന്വേഷണ ഉദ്യോഗസ്ഥനെ മാറ്റിയത്. ഇതെല്ലാം ചൂണ്ടിക്കാട്ടിയാണ് അതിജീവിത ഹൈക്കോടതിയിലെത്തിയത്.
നടിയെ ആക്രമിച്ച കേസില് അന്തിമ കുറ്റപത്രം അടുത്ത തിങ്കളാഴ്ച്ച സമര്പ്പിക്കാനിരിക്കെയാണ് അതുജീവത ഹൈക്കോടതിയെ സമീപിച്ചതെന്നതും ശ്രദ്ധേയമാണ്. ദിലീപിന്റെ സുഹൃത്ത് ശരത്തിനെ പ്രതിചേര്ത്തുകൊണ്ടുള്ള ക്രൈം ബ്രാഞ്ച് റിപ്പോര്ട്ട് അങ്കമാലി മജിസ്ട്രേറ്റ് കോടതിക്ക് കൈമാറിയിട്ടുണ്ട്. തെളിവ് നശിപ്പിച്ച കുറ്റത്തിനാണ് ശരത്തിനെ പ്രതിചേര്ത്തത്. കേസില് ദിലീപ് എട്ടാം പ്രതിയായി തുടരുകയാണ്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here