നടിയെ പീഡിപ്പിച്ച കേസില് കുറ്റാരോപിതനായ നടനും നിര്മ്മാതാവുമായ വിജയ് ബാബു(Vijay Babu) വിദേശത്ത് നിന്ന് മടങ്ങിയെത്തണമെന്ന് ഹൈക്കോടതി(High Court) ആവശ്യപ്പെട്ടു. വിമാന ടിക്കറ്റ് ഹാജരാക്കിയാല് മുന്കൂര് ജാമ്യ ഹര്ജി പരിഗണിക്കാമെന്നും ഹൈക്കോടതിയുടെ അറിയിച്ചു. അതേസമയം എപ്പോള് വേണമെങ്കിലും ഹാജരാകാന് തയ്യാറാണെന്ന് വിജയ് ബാബുവിന്റെ അഭിഭാഷകന് പ്രതികരിച്ചു.
വിജയ് ബാബു(Vijay Babu) നാളെ ഹാജരായില്ലെങ്കില് റെഡ് കോര്ണര് നോട്ടീസ് പുറപ്പെടുവിക്കുമെന്ന് കൊച്ചി സിറ്റിപൊലീസ് കമ്മീഷണര് സി.എച്ച് നാഗരാജു അറിയിച്ചു. ആവശ്യമെങ്കില് അന്വേഷണ സംഘം ജോര്ജിയയിലേക്ക് പോകുമെന്നും കമ്മീഷണര് പറഞ്ഞു. ഇന്ത്യന് എംബസിയുമായി അന്വേഷണ സംഘം ബന്ധപ്പെട്ടതായും അദ്ദേഹം പറഞ്ഞു. ദുബൈയില് ഒളിവില് കഴിഞ്ഞിരുന്ന വിജയ് ബാബു ജോര്ജിയയിലേക്ക് കടന്നിരുന്നു. ഇന്റര്പോളിനെ ഉപയോഗിച്ച് അറസ്റ്റ് ചെയ്യിക്കാനുള്ള നീക്കം നടക്കുന്നതിനിടെയാണ് വിജയ് ബാബു ജോര്ജിയയിലേക്ക് പോയത്.
വിജയ് ബാബുവിന്റെ സാമ്പത്തിക ഇടപാടുകളിന്മേല് അന്വേഷണം ആരംഭിച്ചിട്ടുണ്ട്. സാമ്പത്തിക കുറ്റാന്വേഷണ വിഭാഗങ്ങള്ക്ക് രഹസ്യവിവരങ്ങള് ലഭിച്ചതിനേത്തുടര്ന്നാണിത്. ക്രൈം ബ്രാഞ്ചിന്റെ കീഴിലുള്ള സാമ്പത്തിക കുറ്റങ്ങള് അന്വേഷിക്കുന്ന സംഘത്തിനാണ് ചുമതലയെന്നാണ് വിവരം. വിജയ് ബാബുവിനെ ബിനാമിയാക്കി കണക്കില് പെടാത്ത പണം സിനിമാ മേഖലയില് നിക്ഷേപിക്കപ്പെട്ടെന്ന് അന്വേഷണ സംഘത്തിന് വിവരം ലഭിച്ചിട്ടുണ്ട്. കഴിഞ്ഞ മാസം 22 നായിരുന്നു നടിയുടെ പരാതിയില് വിജയ് ബാബുവിനെതിരെ പൊലീസ് കേസെടുത്തിരിക്കുന്നത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here