വികസനം മുടങ്ങിയാലും ഇടതുമുന്നണിയുടെ കണ്ണീര്‍ കണ്ടാല്‍ മതിയെന്നാണ് യുഡിഎഫ്(UDF) നിലപാടെന്ന് കാനം രാജേന്ദ്രന്‍(Kanam Rajendran). പ്രതിപക്ഷം വികസനത്തെ എതിര്‍ക്കുന്നു, കേന്ദ്രസര്‍ക്കാരിന്റെ ജനദ്രോഹ നടപടികള്‍ക്കെതിരെ യുഡിഎഫിന് പരാതിയില്ലെന്നും അദ്ദേഹം പറഞ്ഞു. അതേസമയം, കേരളം പുരോഗമിക്കണോ അതോ പഴയ രീതിയില്‍ തുടര്‍ന്നാല്‍ മതിയോ എന്നാണ് തൃക്കാക്കരയില്‍ ഉയരുന്ന ചോദ്യമെന്നും കാനം രാജേന്ദ്രന്‍ പറഞ്ഞു.
Pinarayi Vijayan: കേരളവികസനത്തിന് തുരങ്കം വെയ്ക്കാന്‍ UDF ശ്രമിക്കുന്നു; മുഖ്യമന്ത്രി
കേരളവികസനത്തിന് തുരങ്കം വെയ്ക്കാന്‍ യുഡിഎഫ്(UDF) ശ്രമിക്കുന്നുവെന്ന് മുഖ്യമന്ത്രി പിണറായി വിജയന്‍(Pinarayi Vijayan). ചില യുഡിഎഫ് നേതാക്കള്‍ക്ക് കേരളത്തിന്റെ നേട്ടങ്ങള്‍ സഹിക്കുന്നില്ല. വികസനം തടയുന്നതിനുള്ള നടപടികളാണ് യുഡിഎഫ് എടുത്തത്. യുഡിഎഫിന്റെ ഭാവിയില്‍ ഘടകകക്ഷികള്‍ പോലും അങ്കലാപ്പിലാണ്.
കോണ്‍ഗ്രസ്(Congress) രാജ്യമാകെ തകര്‍ച്ചയെ നേരിടുന്നുവെന്നും ബിജെപിയിലേക്ക് ആളുകളെ അയക്കുന്ന കേന്ദ്രമായി കോണ്‍ഗ്രസ് മാറിയെന്നും മുഖ്യമന്ത്രി പറഞ്ഞു. വികസനത്തില്‍ കേരളം ഏറെ മുന്നോട്ട് പോയി, ദേശീയ അന്തര്‍ദേശീയ അംഗീകാരം നേടി. സര്‍വ്വതലസ്പര്‍ശിയായ സാമൂഹ്യനീതിയില്‍ അധിഷ്ഠിതമായ സമഗ്ര വികസനമാണ് എല്‍ഡിഎഫ് ലക്ഷ്യമെന്നും മുഖ്യമന്ത്രി പറഞ്ഞു.
ഐടി വികസനത്തിനായി വന്‍ പദ്ധതികളാണ് സര്‍ക്കാര്‍ നടപ്പാക്കുന്നത്, കേരളത്തിന്റെ ഐടി മേഖല വന്‍ കുതിപ്പിന് തയ്യാറെടുക്കുകയാണ്. ഐടി രംഗത്ത് 3000 കോടിയുടെ വികസനം കൊച്ചിയിലേക്ക് എത്തുന്നുവെന്നും അദ്ദേഹം പറഞ്ഞു. തൃക്കാക്കര ഉപതെരഞ്ഞെടുപ്പുമായി ബന്ധപ്പെട്ട് പൂണിത്തുറയില്‍ നടന്ന (LDF)എല്‍ഡിഎഫ് തെരഞ്ഞെടുപ്പ് പൊതുയോഗത്തില്‍ സംസാരിക്കുകയായിരുന്നു അദ്ദേഹം.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
