നടിയെ ആക്രമിച്ച കേസില് അതിജീവിതയുടെ ഹര്ജി ഹൈക്കോടതി ഇന്ന് പരിഗണിക്കും. തുടരന്വേഷണം അട്ടിമറിക്കാന് ശ്രമം നടക്കുന്നുണ്ടെന്നും നീതി നടപ്പാക്കാന് ഹൈക്കോടതി ഇടപെടണമെന്നുമാണ് ഹര്ജിയിലെ ആവശ്യം. അന്വേഷണ മേല്നോട്ടച്ചുമതലയുണ്ടായിരുന്ന ഉദ്യോഗസ്ഥനെ മാറ്റിയെന്നും, ഇത് കേസിനെ ബാധിച്ചെന്നും പ്രതികള്ക്ക്
ഗുണകരമായന്നും ഹര്ജിയില് പറയുന്നു.കോടതിയിലുള്ള മെമ്മറി കാര്ഡിന്റെ ഹാഷ് വാല്യു മാറിയതായി ഫോറന്സിക്ക് ഫലം വന്നിട്ടും വിചാരണക്കോടതി ജഡ്ജി ഇതെക്കുറിച്ച് അന്വേഷിച്ചില്ലെന്നും ഹര്ജിയില് ആരോപണമുണ്ട്.
വിസ്മയ കേസില് ശിക്ഷാ വിധി ഇന്ന്
കേരളം ഉറ്റു നോക്കുന്ന വിസ്മയ കേസില് ശിക്ഷാ വിധി ഇന്ന് പ്രഖ്യാപിക്കും. പ്രതിയും വിസ്മയയുടെ ഭര്ത്താവുമായ കിരണ്കുമാര് കുറ്റക്കാരനെന്ന് കൊല്ലം അഡീഷണല് സെഷന്സ് കോടതി കണ്ടെത്തിയിരുന്നു. കിരണ് കുമാറിനെതിരെ ഏഴ് വകുപ്പുകളാണ് ചുമത്തിയിരുന്നത്. കിരണ് കുമാറിന്റെ ജാമ്യം കോടതി റദ്ദാക്കി. അഡീഷണല് സെഷന്സ് കോടതി ജഡ്ജി കെ എന് സുജിത്താണ് വിധി പ്രസ്താവിച്ചത്.
സ്ത്രീധന പീഡനം മൂലമുള്ള മരണം, സ്ത്രീധന പീഡനം, ആത്മഹത്യാപ്രേരണ, പരിക്കേൽപ്പിക്കൽ, ഭീഷണിപ്പെടുത്തൽ എന്നീ വകുപ്പുകളും സ്ത്രീധന പീഡന നിരോധന നിയമത്തിലെ മൂന്ന്, നാല് വകുപ്പുകളുമാണ് കിരൺ കുമാറിനെതിരെ ചുമത്തിയിരുന്നത്. 42 സാക്ഷികളും 120 രേഖകളും 12 തൊണ്ടിമുതലുകളുമാണ് കേസിലുണ്ടായിരുന്നത്. ഡിജിറ്റൽ തെളിവുകളും നിർണായകമായി.
കഴിഞ്ഞ ജൂൺ 21 നാണ് ആയുര്വേദ ബിരുദ വിദ്യാര്ത്ഥിനിയായ വിസ്മയയെ ഭര്തൃഗൃഹത്തില് തൂങ്ങി മരിച്ചനിലയില് കണ്ടെത്തിയത്. തൊട്ടടുത്ത ദിവസം തന്നെ കിരൺ കുമാറിനെ പൊലീസ് അറസ്റ്റ് ചെയ്തു.
വിസ്മയയുടെ അച്ഛനും സഹോദരനും നല്കിയ പരാതിയുടെ അടിസ്ഥാനത്തിലായിരുന്നു അറസ്റ്റ്.
സ്ത്രീധനമരണം, സ്ത്രീധനപീഡനം, ആത്മഹത്യാ പ്രേരണ, ദേഹോപദ്രവം ഏല്പ്പിക്കല്, ഭിഷണിപ്പെടുത്തല് എന്നീ വകുപ്പുകളും സ്ത്രീധന നിരോധന നിയമത്തിലെ വകുപ്പുകളും ചേര്ത്താണ് അന്വേഷണ സംഘം കോടതിയില് കുറ്റപത്രം സമര്പ്പിച്ചത്.
ഫോൺ കോളുകളും വാട്ട്സാപ്പ് സന്ദേശങ്ങളും പ്രധാന രേഖകളാക്കി തയ്യറാക്കിയ കുറ്റപത്രത്തില് വിസ്മയയുടെ ഭര്ത്താവ് സര്ക്കാര് ഉദ്യോഗസ്ഥനായിരുന്ന കിരൺ കുമാര് മാത്രമാണ് പ്രതി.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here