വെണ്ണലയിലെ വിദ്വേഷ പ്രസംഗക്കേസിൽ പി സി ജോർജ് (P C George) പാലാരിവട്ടം സ്റ്റേഷനില് ഹാജരായി. മകന് ഷോണ് ജോര്ജിനൊപ്പമാണ് പി സി ജോര്ജെത്തിയത്. നിയമം പാലിക്കുമെന്ന് ജോര്ജ് മാധ്യമങ്ങളോട് പറഞ്ഞു. തിരുവനന്തപുരം വിദ്വേഷ പ്രസംഗക്കേസിൽ ജാമ്യം റദ്ദാക്കിയതോടെ പി സി ജോർജിനെ അറസ്റ്റ് ചെയ്തേക്കും. തിരുവനന്തപുരത്തെ സിറ്റി പൊലീസ് സംഘം കൊച്ചിയിലെത്തിയിട്ടുണ്ട്.
എന്നാൽ പിസി ജോർജിന് അഭിവാദ്യമർപ്പിച്ചുകൊണ്ട് നിരവധി ബിജെപി പ്രവർത്തകരാണ് പലരാരിവട്ടത്ത് തടിച്ചുകൂടിയത്. ബിജെപി നേതാവ് ശോഭാസുരേന്,കെ എൻ രാധാകൃഷ്ണൻ തുടങ്ങിയവരും പിസി ജോർജിനെ പിന്തുണച്ചുകൊണ്ട് കൊച്ചിയിൽ എത്തിയിട്ടുണ്ട്.
തിരുവനന്തപുരം ഫോർട്ട് പൊലീസ് രജിസ്റ്റർ ചെയ്ത കേസിൽ നൽകിയിരുന്ന ജാമ്യമാണ് റദ്ദാക്കിയത്. അനിവാര്യമെങ്കില് പി സി ജോര്ജിനെ അറസ്റ്റ് ചെയ്യാമെന്ന് തിരുവനന്തപുരം ഒന്നാം ക്ലാസ് മജിസ്ട്രേറ്റ് കോടതി വ്യക്തമാക്കിയിട്ടുണ്ട്. ജാമ്യവ്യവസ്ഥകള് പി സി ജോര്ജ് ലംഘിച്ചെന്ന പ്രോസിക്യൂഷന് വാദം കോടതി അംഗീകരിക്കുകയായിരുന്നു. പി സി ജോർജ് ജാമ്യം ദുരുപയോഗം ചെയ്തുവെന്ന് കോടതി ഉത്തരവില് പറയുന്നുണ്ട്. പത്ത് പേജുള്ളതാണ് മജിസ്ട്രേറ്റ് കോടതി ഉത്തരവ്.
അതേസമയം, അനന്തപുരി ഹിന്ദുമഹാ സമ്മേളനത്തിനിടെ മതവിദ്വേഷ പ്രസംഗം നടത്തിയതിനാണ് കേസ്. ഇതില് പി.സി ജോര്ജിന് ജാമ്യം ലഭിച്ചിരുന്നുവെങ്കിലും എറണാകുളം വെണ്ണലയില് വീണ്ടും വിദ്വേഷ പ്രസംഗം നടത്തുകയും ജാമ്യ വ്യവസ്ഥ ലംഘിക്കുകയുമായിരുന്നു.
തുടര്ന്ന് പിസി ജോര്ജിന്റെ ജാമ്യം റദ്ദാക്കണമെന്നാവശ്യപ്പെട്ട് സര്ക്കാര് നല്കിയ അപേക്ഷയിലാണ് ഇപ്പോള് തിരുവനന്തപുരം ഫസ്റ്റ് ക്ലാസ് ജുഡീഷ്യല് മജിസ്ട്രേറ്റ് കോടതി പി.സി ജോര്ജിന്റെ ജാമ്യം റദ്ദാക്കിയത്. പി.സി ജോര്ജിനെ അറസ്റ്റ് ചെയ്യാന് ഫോര്ട്ട് എസ്.ഐക്ക് നിര്ദേശം നല്കിയിട്ടുമുണ്ട്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here