Vineeth Sreenivasan: പ്രതീക്ഷകൾക്കപ്പുറം ഒരുപാട് കാര്യങ്ങൾ നടന്ന സിനിമയാണ് ഹൃദയം: വിനീത് ശ്രീനിവാസൻ

പ്രതീക്ഷകൾക്ക് അപ്പുറം ഒരുപാട് കാര്യങ്ങൾ നടന്ന സിനിമയാണ് ഹൃദയമെന്ന് സംവിധായകൻ വിനീത് ശ്രീനിവാസൻ (Vineeth Sreenivasan). സംസ്ഥാന ചലച്ചിത്ര പുരസ്കാരത്തിൽ ഏറ്റവും ജനപ്രീതിയുള്ള ചിത്രമായി ഹൃദയം തെരഞ്ഞെടുക്കപ്പെട്ട ശേഷം മാധ്യമങ്ങളോട് പ്രതികരിക്കുകയായിരുന്നു അദ്ദേഹം.

കൊവിഡിന് മുമ്പ് ഷൂട്ട് തുടങ്ങി രണ്ട് വർഷത്തോളം കാത്തിരുന്ന ശേഷമാണ് സിനിമ തീയേറ്ററിൽ എത്തിയത്. ലോക് ഡൗൺ കടുത്ത് നിൽക്കുന്ന സമയത്ത് റിലീസും ചെയ്തു.

അവാർഡ് ലഭിച്ചത് അനു​ഗ്രഹം പോലെ കാണുന്നു. ഒരുപാട് ആളുകൾക്ക് വലിയ പ്രാധാന്യമുള്ള സിനിമയായിരുന്നു. ഇപ്പോൾ അവരെല്ലാം സന്തോഷിക്കുന്നുണ്ടാകുമെന്നും വിനീത് കൂട്ടിച്ചേർത്തു.

Biju Menon: കഥ പറഞ്ഞപ്പോൾ തന്നെ ചലഞ്ചിങ്ങായി തോന്നി; സംവിധായകനും അണിയറ പ്രവർത്തകർക്കും നന്ദി: ബിജു മേനോൻ

52-ാമത് സംസ്ഥാന ചലച്ചിത്ര അവാർഡിൽ മികച്ച നടനുള്ള പുരസ്കാരം ലഭിച്ചതിൽ വളരെ സന്തോഷമെന്ന് നടൻ ബിജു മേനോൻ(Biju Menon). വളരെ എഫർട്ട് എടുത്ത സിനിമയാണ് ‘ആർക്കറിയാം’എന്നും സംവിധായകനും അണിയറ പ്രവർത്തകർക്കും നന്ദി അറിയിക്കുന്നുവെന്നും ബിജുമേനോൻ മാധ്യമ പ്രവർത്തകരോട് പറഞ്ഞു.

സംവിധായകൻ കഥ പറഞ്ഞപ്പോൾ തന്നെ ചലഞ്ചിങ്ങായി തോന്നിയിരുന്നുവെന്നും അദ്ദേഹം പറഞ്ഞു. ഇതാദ്യമായാണ് ബിജു മേനോന് മികച്ച നടനുള്ള സംസ്ഥാന ചലച്ചിത്ര പുരസ്കാരം ലഭിക്കുന്നത്.

ബിജു മേനോന്റെ വാക്കുകൾ

“ഒരുപാട് സന്തോഷമുണ്ട്. നമ്മൾ ചെയ്യുന്ന ജോലിക്കുള്ള അം​ഗീകാരമാണത്. വളരെ എഫർട്ട് എടുത്തൊരു സിനിമയാണ് ആർക്കറിയാം. സംവിധായകനും സിനിമയുടെ എല്ലാ അണിയറ പ്രവർത്തകർക്കും നന്ദി പറയുന്നു. സംവിധായകൻ കഥ പറഞ്ഞപ്പോൾ തന്നെ ചലഞ്ചിങ്ങായി തോന്നിയിരുന്നു. എല്ലാവരുടെയും സപ്പോർട്ടോട് കൂടി നന്നായി ചെയ്യാൻ സാധിച്ചു”.

കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും  ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here
ksfe-diamond
bhima-jewel

Latest News