തൃക്കാക്കരയിലെ എല് ഡി എഫ് സ്ഥാനാര്ഥി ഡോ.ജോ.ജോസഫിനെ അപകീര്ത്തിപ്പെടുത്തുന്ന വ്യാജ ദൃശ്യങ്ങള് പ്രചരിപ്പിച്ച സംഭവത്തില് മുസ്ലീംലീഗ് പ്രവര്ത്തകന് പിടിയില്.വ്യാജ ദൃശ്യങ്ങള് അപ് ലോഡ് ചെയ്ത മലപ്പുറം കോട്ടയ്ക്കല് സ്വദേശി അബ്ദുള് ലത്തീഫാണ് പിടിയിലായത്.കോയമ്പത്തൂരില് നിന്ന് ഇന്ന് പുലര്ച്ചെ പോലീസ് പിടികൂടിയ അബ്ദുള് ലത്തീഫിനെ തൃക്കാക്കര സ്റ്റേഷനിലെത്തിച്ച് അറസ്റ്റ് രേഖപ്പെടുത്തും.
എല് ഡി എഫ് സ്ഥാനാര്ഥി ഡോ.ജോ ജോസഫിന്റേതെന്ന പേരില് വ്യാജ അശ്ലീല ദൃശ്യങ്ങള് പ്രചരിപ്പിച്ച സംഭവത്തിലെ പ്രധാന പ്രതിയാണ് പിടിയിലായത്.മലപ്പുറം കോട്ടയ്ക്കല് സ്വദേശിയും മുസ്ലീംലീഗ് പ്രവര്ത്തകനുമായ അബ്ദുള് ലത്തീഫിനെയാണ് തൃക്കാക്കര പോലീസ് കോയമ്പത്തൂരില് നിന്ന് പിടികൂടിയത്.വ്യാജ ദൃശ്യങ്ങള് സാമൂഹ്യ മാധ്യമങ്ങളില് അപ് ലോഡ് ചെയ്തത് ഇയാളാണെന്ന് പോലീസ് സ്ഥിരീകരിച്ചു.
ഫെയ്സ് ബുക്കിലും ട്വിറ്ററിലും വ്യാജ പ്രൊഫൈല് ഉണ്ടാക്കിയ ശേഷം ഇതിലേക്കാണ് ദൃശ്യങ്ങള് അപ് ലോഡ് ചെയ്ത് പ്രചരിപ്പിച്ചതെന്ന് അന്വേഷണത്തില് വ്യക്തമായിട്ടുണ്ട്.മുസ്ലീം ലീഗിന്റെ സജീവ സൈബര് പോരാളിയാണ് ഇയാള് എന്ന് കണ്ടെത്തിയിട്ടുണ്ട്.അബ്ദുള് ലത്തീഫ് നേരത്തെയും സൈബര് കേസുകളില് പ്രതിയായിട്ടുണ്ടെന്നും പോലീസ് പറഞ്ഞു.
കേസുമായി ബന്ധപ്പെട്ട് ഇതുവരെ ആറുപേരാണ് അറസ്റ്റിലായത്.ഇതില് അഞ്ചുപേരും യു ഡി എഫ് പശ്ചാത്തലമുള്ളവരാണ്.ഓരാള് ബി ജെ പി പ്രവര്ത്തകനുമാണ്.പാലക്കാട് ജില്ലക്കാരായ കോണ്ഗ്രസ്സ് ആമയൂര് മണ്ഡലം പ്രസിഡന്റ് ടി കെ അബ്ദുള് ഷുക്കൂര്,തേങ്കുറിശ്ശി മണ്ഡലം എക്സിക്യൂട്ടീവ് കമ്മിറ്റി അംഗം ശിവദാസന്,കണ്ണൂര് കേളകം സ്വദേശിയും യൂത്ത് ലീഗ് പ്രവര്ത്തകനുമായ അബ്ദുറഹ്മാന്,കളമശ്ശേരി സ്വദേശിയും ഐ എന് ടി യു സി നേതാവുമായ ഷിബു എന്നിവരാണ് വ്യാജദൃശ്യങ്ങള് പ്രചരിപ്പിച്ച കേസില് ആദ്യം അറസ്റ്റിലായവര്.ദൃശ്യങ്ങള് പ്രചരിപ്പിച്ചതായി കണ്ടെത്തിയതിനെത്തുടര്ന്ന് ബി ജെ പി പ്രവര്ത്തകനായ കോവളം സ്വദേശി സുഭാഷിനെയും പിന്നീട് പോലീസ് അറസ്റ്റ് ചെയ്തിരുന്നു.
Thrikkakkara: നൂറു ശതമാനം ആത്മവിശ്വാസത്തോടെയാണ് വോട്ട് രേഖപ്പെടുത്തിയതെന്ന് ഡോ. ജോ ജോസഫ്
തൃക്കാക്കരയില് നൂറു ശതമാനം ആത്മവിശ്വാസത്തോടെയാണ് വോട്ട് രേഖപ്പെടുത്തിയതെന്ന് എല്ഡിഎഫ് സ്ഥാനാര്ഥി ഡോ. ജോ ജോസഫ്. തെരഞ്ഞെടുപ്പിന്റെ ആദ്യ ദിവസം മുതല് ആത്മവിശ്വാസമുണ്ടായിരുന്നു, ഒരോ ദിവസം കഴിയും തോറും അത് കൂടി വന്നു. ഇന്ന് പൂര്ണ്ണമായ തൃപ്തിയുണ്ട്. രാവിലെ തന്നെ ധാരാളം ആളുകള് വോട്ടു ചെയ്യാന് എത്തിയിട്ടുണ്ട്, ഇത്തവണ തൃക്കാക്കരയില് ഇടതുപക്ഷം അട്ടിമറി വിജയം നേടുമെന്നതില് യാതൊരു സംശയവുമില്ലെന്നും അദ്ദേഹം പറഞ്ഞു.
എല്ലായിടത്തും നല്ല ക്യൂ ഉള്ളതിനാല് പോളിംഗ് ശതമാനം ഉയരും, പോളിംഗ് ശതമാനം ഉയരുന്നത് തീര്ച്ചയായും ഇടതുപക്ഷ ജനാധിപത്യമുന്നണിക്ക് ഗുണം ചെയ്യുമെന്നും അദ്ദേഹം പറഞ്ഞു. ആകാശവും മനസ്സും തെളിഞ്ഞു നില്ക്കുകയാണ്, ശുഭപ്രതീക്ഷയാണ് ഉള്ളത്, ചിട്ടയായ പ്രവര്ത്തനമാണ് നടത്തിയത് അതുകൊണ്ടു തന്നെ ഇടതുപക്ഷം വമ്പിച്ച ഭൂരിപക്ഷം നേടുമെന്നും ജോ ജോസഫ് പറഞ്ഞു.
ശുഭപ്രതീക്ഷയുണ്ടെന്നും, ഇത്തവണ തൃക്കാക്കര പോസിറ്റീവ് പൊളിറ്റിക്സിന്റെ കൂടെ നില്ക്കുമെന്നാണ് വിശ്വസിക്കുന്നതെന്നും ജോ ജോസഫിന്റെ ഭാര്യ ദയാ പാസ്ക്കലും പ്രതികരിച്ചു. ഭാര്യ ദയാ പാസ്ക്കലിനൊപ്പം വോട്ടു രേഖപ്പെടുത്തി മാധ്യമങ്ങളോട് സംസാരിക്കുകയായിരുന്നു ഡോ. ജോ ജോസഫ്. പടമുകള് UP സ്കൂളിലെ 140 നമ്പര് ബൂത്തിലാണ് വോട്ട് രേഖപ്പെടുത്തിയത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here