(Dr. Jo Joseph)ഡോ.ജോ ജോസഫിന്റെ വ്യാജ വീഡിയോ പ്രചരിപ്പിച്ച സംഭവത്തില്‍ എല്ലാവരെയും അറസ്റ്റ് ചെയ്യുമെന്ന് സിപിഐഎം സംസ്ഥാന സെക്രട്ടറി കോടിയേരി ബാലകൃഷ്ണന്‍(Kodiyeri Balakrishnan). വ്യാജ വീഡിയോ പ്രചരിപ്പിച്ചത് ആസൂത്രിതമെന്ന് തെളിഞ്ഞു. തെരഞ്ഞെടുപ്പ് ചരിത്രത്തില്‍ ഇതുവരെ കേള്‍ക്കാത്ത സംഭവമാണിതെന്നും പരാജയഭീതിയില്‍ യുഡിഎഫ് എന്ത് നികൃഷ്ടമായ കാര്യവും ചെയ്യുമെന്ന് മനസ്സിലായെന്നും കോടിയേരി കൂട്ടിച്ചേര്‍ത്തു.
തൃക്കാക്കരയില്‍ പുരോഗമിക്കുന്ന കനത്ത പോളിംഗ് എല്‍ ഡി എഫിന് അനുകൂലമായാണ്. കഴിഞ്ഞ തവണ മുഴുവന്‍ എല്‍ ഡി എഫ് വോട്ടുകളും പോള്‍ ചെയ്തില്ല. അതേസമയം തൃക്കാക്കരയില്‍ ബി ജെ പി- യുഡിഎഫ് ധാരണയുണ്ടെന്നും കോടിയേരി ആരോപിച്ചു. യുഡിഎഫ് സ്ഥാനാര്‍ത്ഥിയായ ഉമാ തോമസ് ബി ജെ പി ഓഫീസ് സന്ദര്‍ശിച്ചത് ഇതിന് തെളിവാണ്. ബിജെപി വോട്ടുകള്‍ യു ഡി എഫിന് മറിയുമോ എന്ന് കണ്ടറിയാമെന്നും കോടിയേരി കൂട്ടിച്ചേര്‍ത്തു.
M Swaraj: സതീശന്‍ മാപ്പ് പറയണം: എം സ്വരാജ്
വ്യാജ വീഡിയോ അപ്‌ലോഡ് ചെയ്ത ലീഗ് നേതാവ് അറസ്റ്റിലായ സംഭവത്തില്‍ പ്രതിപക്ഷ നേതാവ് വി ഡി സതീശന്‍(V D Satheesan) മാപ്പ് പറയണമെന്ന് എം സ്വരാജ്(M Swaraj). തൃക്കാക്കരയില്‍(Thrikkakara) മത്സരിക്കാനുള്ള യോഗ്യത യുഡിഎഫിന് നഷ്ടമായി. വീഡിയോ പ്രചരിപ്പിച്ചത് യുഡിഎഫ് നേതാക്കളുടെ അറിവോടെയാണെന്നും എം സ്വരാജ് പറഞ്ഞു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
