കോവിഡിന് ശേഷംസംസ്ഥാനത്ത സ്കൂളുകള് നാളെ തുറക്കും. പ്രവേശനോത്സവം വിപുലമായി നടത്താനൊരുങ്ങി വിദ്യാഭ്യാസ വകുപ്പ്. 42,9000 കുട്ടികള് ജൂണ് ഒന്നിന് സ്കൂളികളിലേക്കെത്തും്. കുരുന്നുകളെ വരവേല്ക്കാന് സംസ്ഥാനം സജ്ജമെന്ന് മന്ത്രി വി. ശിവന്കുട്ടി പറഞ്ഞു.
വീണ്ടുമൊരു അധ്യയന വര്ഷം കൂടി ആരംഭിക്കാന് പോകുകയാണ്. എന്നാല് കഴിഞ്ഞ രണ്ടാണ്ടിനെ അപേക്ഷിച്ച് ഇക്കുറി ഒരു വ്യത്യാസമുണ്ട്. ഓണ്ലൈനിലും ഷിഫ്റ്റുകളിലും പഠിച്ച കുട്ടികള് ഒന്നിച്ച് വീണ്ടും സ്കൂള് മുറ്റത്തെത്തുന്നു. അവരെ സ്വീകരിക്കാനായുള്ള ഒരുക്കത്തിലാണ് സര്ക്കാര്. സ്കൂളുകളുടെ നവീകരണപ്രവര്ത്തനങ്ങള് തകൃതിയായി നടക്കുകയാണ്. കെട്ടിടങ്ങളുടെ ഫിറ്റ്നസ് സര്ട്ടിഫിക്കറ്റ് സ്കൂള് തുറക്കുന്നതിന് മുന്പ് അതാത് തദ്ദേശ സ്വയം ഭരണ സ്ഥാപനങ്ങളില് ഹാജരാക്കണം.
സ്കൂള് തുറക്കുന്ന ആദ്യ രണ്ടാഴ്ച സ്കൂളുകളില് തന്നെ വാക്സിനേഷന് നടത്തും. വിദ്യാര്ഥികള് കോവിഡ് മാനദണ്ഡം പാലിക്കണം. മാസ്ക് നിര്ബന്ധമാണ്. കുട്ടികളുടെ ആരോഗ്യകാര്യങ്ങള് ശ്രദ്ധിക്കാന് ഒരു അധ്യാപകനെ പ്രത്യേകം ചുമതലപ്പെടുത്തും. സ്കൂള് വാഹനങ്ങളുടെ ഫിറ്റ്നസ് പരിശോധനയും നടന്ന് വരികയാണ്. പ്രവേശനോത്സവത്തിന് മുന്നോടിയായി റോഡ് നവീകരണം വേഗത്തിലാക്കുമെന്ന് പൊതുമരാമത്ത് മന്ത്രിയും അറിയിച്ചു.
SSLC:എസ്എസ്എല്സി പരീക്ഷാഫലം ജൂണ് 10ന്;പ്ലസ് ടു ഫലം ജൂണ് 20ന്
(SSLC)എസ്എസ്എല്സി പരീക്ഷാഫലം ജൂണ് 10ന് പ്രസിദ്ധീകരിക്കുമെന്ന് പൊതുവിദ്യാഭ്യാസ വകുപ്പുമന്ത്രി വി ശിവന്കുട്ടി(V Sivankutty) അറിയിച്ചു. പ്ലസ് ടു പരീക്ഷാഫലം ജൂണ് 20ന് പ്രസിദ്ധീകരിക്കുമെന്നും അദ്ദേഹം കൂട്ടിച്ചേര്ത്തു. മുമ്പ് പരീക്ഷാഫലം ജൂണ് 15ന് പ്രഖ്യാപിക്കുമെന്നാണ് അറിയിച്ചിരുന്നത്.
സംസ്ഥാനത്തെ സ്കൂളുകളില് നാളെയാണ് പ്രവേശനോത്സവം നടക്കുന്നത്. സംസ്ഥാനത്ത് 12986 സ്കൂളുകളിലാണ് പ്രവേശനോത്സവം നടക്കുന്നത്. തിരുവനന്തപുരത്തെ കഴക്കൂട്ടം ഗവ. ഹയര് സെക്കന്ഡറി സ്കൂളില് സംസ്ഥാനതല ഉദ്ഘാടനം നടക്കും. സ്കൂളുകള് തുറക്കുന്നതിനു സജ്ജമാണെന്ന് വിദ്യാഭ്യാസ മന്ത്രി വി ശിവന്കുട്ടി നേരത്തെ തന്നെ അറിയിച്ചിരുന്നു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here