തൃക്കാക്കര തെരഞ്ഞെടുപ്പില് പാര്ട്ടി ചിട്ടയായ പ്രവര്ത്തനം നടത്തിയെന്ന് തൃക്കാക്കര ഇടതുപക്ഷ സ്ഥാനാര്ത്ഥി ഡോ. ജോ ജോസഫ്. മികച്ച വിജയപ്രതീക്ഷയിലാണ് തങ്ങളെന്നും ആത്മവിശ്വാസം വര്ധിച്ചുവെന്നും ജോ ജോസഫ് പറഞ്ഞു. വോട്ടര്മാര് കൂടുതലായെത്തിയത് LDF ന് അനുകൂലമാകും.
കള്ളവോട്ട് ചെയ്ത് ജയിക്കേണ്ട ഒരാവശ്യവുമില്ലെന്നും അതിന്റെ നടപടി ഉണ്ടല്ലോയെന്നും അത് നടക്കട്ടെയെന്നും ജോ ജോസഫ് പറഞ്ഞു. കഴിഞ്ഞ കാലങ്ങളെ അപേക്ഷിച്ച് വലിയ മാറ്റമുണ്ടായെന്നും ഒരു വോട്ടും ചോരില്ലെന്നും ജോ ജോസഫ് പറഞ്ഞു.
തൃക്കാക്കരയിലെ ജനങ്ങള് കോണ്ഗ്രസ്സിന്റെ അധമമായ പ്രചാരണശൈലിക്കെതിരെ വോട്ട് ചെയ്യുമെന്ന് ഉറപ്പാണ്:എ എ റഹീം എം പി|A A Rahim MP
തൃക്കാക്കരയിലെ എല്ഡിഎഫ് സ്ഥാനാര്ഥി ഡോ.ജോ ജോസഫിനെ അധിക്ഷേപിക്കാന് ലക്ഷ്യമിട്ട് വ്യാജ അശ്ലീല വീഡിയോ അപ്ലോഡ് ചെയ്ത വ്യക്തി പിടിയിലായതിന്റെ വിവരങ്ങള് പങ്കുവെച്ച് എ എ റഹീം എം പി. തന്റെ ഫേസ്ബുക്ക് പേജിലൂടെയാണ് അദ്ദേഹം വിവരങ്ങള് പങ്കുവെച്ചത്.
പിടിയിലായ പ്രതി ലത്തീഫ് ലീഗ് നേതാവും സോഷ്യല് മീഡിയയില് ലീഗിന്റെ പ്രചാരകനുമാണ്. വിഷയത്തില് പ്രതികളായ അണികളെ ഇതുവരെ പുറത്താക്കാത്ത ലീഗിന്റെയും കോണ്ഗ്രസിന്റെയും സമീപനത്തെ എ എ റഹീം എം പി രൂക്ഷമായി വിമര്ശിച്ചു. എ എ റഹീം എം പിയുടെ ഫേസ്ബുക്ക് കുറിപ്പിന്റെ പൂര്ണ രൂപം:-
‘തൃക്കാക്കര എല്ഡിഎഫ് സ്ഥാനാര്ഥി ജോ ജോസഫിനെ അധിക്ഷേപിക്കാന് ലക്ഷ്യമിട്ട് വ്യാജ അശ്ലീല വീഡിയോ അപ്ലോഡ് ചെയ്ത വ്യക്തി പിടിയില്. കോട്ടയ്ക്കന് ഇന്ത്യാനൂര് സ്വദേശിയുമായ അബ്ദുള് ലത്തീഫാണ്( 43) പിടിയിലായത്. മുളങ്ങിപ്പുലന് വീട്ടില് മുഹമ്മദ് കുട്ടിയുടെ മകനാണ്.
ലീഗ് നേതാവും സോഷ്യല് മീഡിയയില് ലീഗിന്റെ പ്രചാരകനകുമാണ് ലത്തീഫ് ചൊവ്വാഴ്ച രാവിലെ കോയമ്പത്തൂരില് നിന്ന് തൃക്കാക്കര പൊലീസ് ഇയാളെ പിടികൂടുകയായിരുന്നു. ഇന്ന് ഉച്ചയോടെ കൊച്ചിയിലെത്തിക്കും. ട്വിറ്ററില് വ്യാജ അക്കൗണ്ട് ഉണ്ടാക്കിയാണ് ഇയാള് വീഡിയോ അപ്ലോഡ് ചെയ്തതെന്ന് പൊലീസ് പറഞ്ഞു.”
കഴിഞ്ഞദിവസം പ്രതിപക്ഷ നേതാവ് വെല്ലുവിളിച്ചത് അപ്ലോഡ് ചെയ്ത ആളെ പിടിക്കൂ എന്നാണ്. ഇതാ പിടിച്ചിരിക്കുന്നു.യുഡിഎഫിലെ നിരവധി നേതാക്കളും പ്രവര്ത്തകരും കഴിഞ്ഞ മണിക്കൂറുകളില് വ്യാജ വീഡിയോ കേസില് അറസ്റ്റിലായി.പ്രതികളില് ഒരാളെപ്പോലും ഈ നിമിഷം വരെ കോണ്ഗ്രസ്സോ മുസ്ലിം ലീഗോ പുറത്താക്കിയിട്ടില്ല.
ഇങ്ങനെയൊരു വീഡിയോ കയ്യില് കിട്ടിയാല് ആരായാലും പ്രചരിപ്പിക്കും എന്നാണ് പ്രതിപക്ഷ നേതാവ് പറഞ്ഞത്. കേരള രാഷ്ട്രീയത്തില് ജോ ജോസഫ് നേരിട്ടതിന് സമാനമായ നിന്ദ്യമായ വ്യാജപ്രചരണം മറ്റാരും നേരിടേണ്ടി വന്നിട്ടില്ല.ജനം ഇതെല്ലാം കാണുന്നുണ്ട്. തൃക്കാക്കരയിലെ പ്രബുദ്ധരായ ജനങ്ങള് കോണ്ഗ്രസ്സിന്റെ അധമമായ പ്രചാരണശൈലിക്കെതിരെ വോട്ട് ചെയ്യുമെന്ന് ഉറപ്പാണ്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here