നാഷണല് ഹെറാള്ഡ് കേസില് കോണ്ഗ്രസ് നേതാവ് രാഹുല് ഗാന്ധി ഇന്ന് എന്ഫോഴ്സ്മെന്റ് ഡയറക്ട്രേറ്റിന് മുന്നില് ഹാജരാകും. രാവിലെ പതിനൊന്ന് മണിക്കാകും രാഹുല് ഡല്ഹിയിലെ ഇഡി ഓഫിസില് എത്തുക. അതിനിടെ രാഷ്ട്രീയമായ വേട്ടയാടല് എന്ന ആരോപണമുയര്ത്തി ഇ ഡിക്കെതിരെ രാജ്യവ്യാപക പ്രതിഷേധമുയര്ത്തി കോണ്ഗ്രസ് നേതാക്കളും ഇഡി ഓഫീസ് വരെ രാഹുല്ഗാന്ധിയെ അണിനിരക്കും. രാജ്യത്തെ എല്ലാ ഇഡി ഓഫിസുകള്ക്കു മുന്പിലും പ്രതിഷേധങ്ങള് അരങ്ങേറും.
എഐസിസി ആസ്ഥാനത്ത് നിന്ന് പ്രതിഷേധ മാര്ച്ചോടെ നേതാക്കള് രാഹുല് ഗാന്ധിക്ക് ഐക്യദാര്ഡ്യം അറിയിച്ച് ഇ ഡി ഓഫീസിലേക്ക് നീങ്ങുമെന്നാണ് അറിയിച്ചിട്ടുള്ളത്. രാജസ്ഥാന്, ഛത്തീസ്ഘട്ട് മുഖ്യമന്ത്രിമാര്, കോണ്ഗ്രസ് പ്രവര്ത്തക സമിതി അംഗങ്ങള്, എം പിമാര് തുടങ്ങിയവര് ഡല്ഹി പ്രതിഷേധത്തില് അണിനിരക്കാനും തീരുമാനിച്ചിട്ടുണ്ട്. എന്നാല് ഈ റാലിക്ക് റാലിക്ക് ഡല്ഹി പൊലീസ് അനുമതി നിഷേധിച്ചിട്ടുണ്ട്. ക്രമസമാധാന പ്രശ്നം ഉണ്ടാകുമെന്ന് ചൂണ്ടിക്കാട്ടിയാണ് നടപടി. ഇഡി ഓഫീസിലേക്ക് റാലി നടത്തിയാല് അറസ്റ്റ് ചെയ്യുമെന്ന് നേതാക്കള്ക്ക് ഡല്ഹി പൊലീസ് മുന്നറിയിപ്പ് നല്കിയിട്ടുമുണ്ട്.
കോണ്ഗ്രസ് അധ്യക്ഷ സോണിയ ഗാന്ധി ഈ മാസം 23 നാകും എന്ഫോഴ്സ്മെന്റ് ഡയറക്ടറേറ്റിന് മുന്നിലെത്തുക. 2015 ല് കേസ് ഇഡി അവസാനിപ്പിച്ചെങ്കിലും സുബ്രഹ്മണ്യന് സ്വാമിയുടെ പരാതിയില് അന്വേഷണ ഉദ്യോഗസ്ഥനെ മാറ്റി തുടരന്വേഷണത്തിലേക്ക് കേന്ദ്രസര്ക്കാര് നീങ്ങുകയായിരുന്നു. അതേ സമയം രാഷ്ട്രീയ വേട്ടയെന്ന ആക്ഷേപത്തില് ഇ ഡി നടപടി നേരിടുന്ന സമാനകക്ഷികളെ ഒപ്പം ചേര്ത്ത് രാഷ്ട്രീയ നീക്കത്തിനൊരുങ്ങുകയാണ് കോണ്ഗ്രസ്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here