വനാതിര്ത്തി മേഖലകളിലെ (Buffer Zone)ബഫര് സോണ് ആശങ്ക പരിഹരിക്കാന് കേന്ദ്രസര്ക്കാര് ഇടപെടണമെന്നാവശ്യപ്പെട്ട് (Kannur)കണ്ണൂര് ജില്ലയില് ഇന്ന് എല്ഡിഎഫ് മലയോര ഹര്ത്താല് നടത്തുന്നു. കൊട്ടിയൂര്, കേളകം, കണിച്ചാര്, ആറളം, അയ്യന്കുന്ന് എന്നീ പഞ്ചായത്തുകളിലാണ് ഹര്ത്താല് ആചരിക്കുന്നത്.
രാവിലെ 6 മണി മുതല് വൈകുന്നേരം 6 മണി വരെയാണ് ഹര്ത്താല്. വന്യജീവി സങ്കേതങ്ങളുടെ സമീപത്തുള്ള ജനവാസ കേന്ദ്രങ്ങളെ പരിസ്ഥിതിലോല മേഖലയില് നിന്ന് ഒഴിവാക്കണമെന്ന് ആവശ്യപ്പെട്ടാണ് ഹര്ത്താല് ആചരിക്കുന്നത്
നടിയെ ആക്രമിച്ച കേസ്;ദിലീപിന്റെ ജാമ്യം റദ്ദാക്കണമെന്ന ഹര്ജിയില് ഇന്നും വാദം തുടരും
നടി അക്രമിക്കപ്പെട്ട കേസില് ദിലീപിന്റെ ജാമ്യം റദ്ദാക്കണമെന്ന ഹര്ജിയില് വിചാരണക്കോടതിയില് ഇന്ന് വീണ്ടും വാദം തുടരും. പ്രതിഭാഗത്തിന്റെ വാദമാണ് കോടതിയില് നടക്കുക. കേസില് ബാലചന്ദ്രകുമാര് ഹാജരാക്കിയ പെന് ഡ്രൈവിന്റെ ശാസ്ത്രീയ പരിശോധന ഫലവും ഇന്ന് കോടതിയില് പ്രോസിക്യൂഷന് ഹാജരാക്കിയേക്കും. നടിയെ അക്രമിച്ച കേസില് ദൃശ്യങ്ങള് അടങ്ങിയ മെമ്മറി കാര്ഡ് പരിശോധിക്കണമെന്ന പ്രോസിക്യൂഷന് ഹര്ജി ഇന്ന് ഹൈക്കോടതി പരിഗണിക്കും.
കേസില് ദിലീപിന്റെ ജാമ്യം റദ്ധാക്കണമെന്ന് ആവശ്യപ്പെട്ടാണ് പ്രോസിക്യൂഷന് വിചാരണ കോടതിയെ സമീപിച്ചത്. തുടരന്വേഷണത്തിന്റെ ഭാഗമായി അന്വേഷണ സംഘം കണ്ടെത്തിയ തെളിവുകളുടെ അടിസ്ഥാനത്തിലായിരുന്നു പ്രോസിക്യൂഷന് നീക്കം. കേസില് സാക്ഷികളെ സ്വാധീനിക്കാനടക്കം ദിലീപ് നീക്കം നടത്തിയെന്നാണ് പ്രോസിക്യൂഷന്റെ ആരോപണം. ദിലീപ് അടക്കമുള്ളവരുടെ ഫോണില് നിന്ന് കണ്ടെത്തിയ ശബ്ദ രേഖകള് അടക്കം കോടതിയില് പ്രോസിക്യൂഷന് ഹാജരാക്കിയിരുന്നു. പ്രോസിക്യൂഷന് വാദം പൂര്ത്തിയതോടെ പ്രതിഭാഗത്തിന്റെ വാദമാണ് കോടതിയില് നടക്കുന്നത്. കേസില് ദിലീപിന് എതിരെ തെളിവുകള് ഇല്ലെന്ന് പ്രതിഭാഗം കോടതിയില് വാദിച്ചിരുന്നു. പ്രോസിക്യൂഷന് ഹാജരാക്കിയ രേഖകളുടെ ആധികാരത പരിശോധിക്കണമെന്നും പ്രതിഭാഗം കോടതിയില് ആവശ്യപ്പെട്ടിട്ടുണ്ട്. ബാലചന്ദ്രകുമാര് ഹാജരാക്കിയ പെന്ഡ്രൈവിന്റെ ശാസ്ത്രീയ പരിശോധന ഫലം സംബന്ധിച്ച വിവരങ്ങളും പ്രോസിക്യൂഷന് കോടതിയില് സമര്പ്പിച്ചേക്കും.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here