Africa: ആഫ്രിക്കയിലെ ശാസ്ത്രജ്ഞരുടെ ആവശ്യം; കുരങ്ങു പനിയുടെ പേര് മാറ്റാനൊരുങ്ങി ഡബ്ള്യൂഎച്ച്ഒ

ലോകത്ത് വിവിധ രാജ്യങ്ങളിൽ പടർന്നുപിടിച്ചുകൊണ്ടിരിക്കുന്ന കുരങ്ങു പനിയുടെ പേര് മാറ്റാൻ തീരുമാനിച്ച് ലോകാരോ​ഗ്യ സംഘടന(who). ഈ രോ​ഗവ്യാപനത്തെ ഹെൽത്ത് എമർജൻസായി പ്രഖ്യാപിക്കണോ എന്ന് തീരുമാനിക്കാൻ ചർച്ച നടക്കവെയാണ് പേര് മാറ്റണമെന്ന ആവശ്യം പരി​ഗണിക്കുന്നത്.

ഉടൻ തന്നെ പുതിയ പേര് പ്രഖ്യാപിക്കുമെന്ന് ലോകാരോ​ഗ്യ സംഘടന തലവൻ ടെഡ്രോസ് അഥനം പറഞ്ഞു. മങ്കി പോക്സ് എന്ന പേരിനെതിരെ ആഫ്രിക്കയിലെ 30 ഓളം വരുന്ന ശാസ്ത്രജ്ഞർ രം​ഗത്ത് വന്നതോടെയാണ് പേരു മാറ്റാൻ തീരുമാനിച്ചത്.

രോ​ഗത്തിന്റെ വാർത്തകൾ നൽകുമ്പോൾ മുഖ്യധാരാ മാധ്യമങ്ങൾ തുടർച്ചയായി ആഫ്രിക്കയിൽ നിന്നുള്ള രോ​ഗികളുടെ ഫോട്ടോകൾ ഉപയോ​ഗിക്കുന്നതാണ് ഈ ശാസ്ത്ര സംഘം ചൂണ്ടിക്കാട്ടിയത്. മധ്യ ആഫ്രിക്കൻ ക്ലേഡ്, വെസ്റ്റ് ആഫ്രിക്കൻ ക്ലേഡ് എന്നിങ്ങനെ രണ്ട് വിഭാ​ഗങ്ങളായാണ് ലോകാരോ​ഗ്യ സംഘടന കുരങ്ങു പനിയുടെ വൈറസിനെ തരം തിരിച്ചിരിക്കുന്നത്.

ഇതും ശാസ്ത്ര സംഘം ചൂണ്ടിക്കാട്ടുന്നു. നിഷ്പക്ഷവും വിവേചന രഹിതവും കളങ്കപ്പെടുത്താത്തുമായ ഒരു നാമകരണം ആ​ഗോള ആരോ​ഗ്യ സമൂഹത്തിന് കൂടുതൽ അനുയോജ്യമാവുമെന്നും ഇവർ അഭിപ്രായപ്പെടുന്നു.

കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും  ലഭ്യമാണ്.  വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here
ksfe-diamond
bhima-jewel

Latest News