കൂളിമാട് പാലം അപകടത്തില് ഊരാളുങ്കര് ലേബര് സൊസൈറ്റിക്ക് താക്കീത് നല്കി. ഉദ്യോഗസ്ഥര്ക്കെതിരെ നടപടിയെടുക്കാന് വകുപ്പ് സെക്രട്ടറിക്ക് മന്ത്രി റിയാസ് നിര്ദ്ദേശം നല്കി. അപകട കാരണം ഹൈഡ്രോളിക് ജാക്കിയുടെ തകരാറാണെന്ന വിജിലന്സ് റിപ്പോര്ട്ടിന്റെ പശ്ചാത്തലത്തിലാണ് നടപടിയെടുത്തത്. എക്സിക്യുട്ടീവ് എന്ജിനീയര്ക്കെതിരെയും അസി.എന്ജിനീയര്ക്കെതിരെയും നടപടിക്ക് നിര്ദേശമുണ്ട്.
പൊതുമരാമത്ത് വിജിലന്സ് വിഭാഗം പാലം തകര്ച്ചയുമായി ബന്ധപ്പെട്ട് മന്ത്രിക്ക് അന്തിമ റിപ്പോര്ട്ട് നല്കിയിരുന്നു. ഈ റിപ്പോര്ട്ട് പരിഗണിച്ചാണ് ഉദ്യോഗസ്ഥര്ക്കെതിരെ നടപടിയെടുക്കാന് വകുപ്പ് സെക്രട്ടറിക്ക് മന്ത്രി റിയാസ് നിര്ദ്ദേശം നല്കിയിരിക്കുന്നത്. പാലത്തിന്റെ നിര്മാണ ചുമതലയുണ്ടായിരുന്ന ഊരാളുങ്കല് ലേബര് സൊസൈറ്റിക്ക് കര്ശന താക്കീത് നല്കിയിട്ടുണ്ട്. ഇത്തരം വീഴ്ചകള് മേലില് ആവര്ത്തിക്കരുതെന്ന് മുന്നറിയിപ്പ് നല്കി്. ആവശ്യമായ സുരക്ഷ ഉറപ്പാക്കിയ ശേഷമേ നിര്മാണങ്ങള് നടത്താവൂ എന്നും ഊരാളുങ്കലിനോട് നിര്ദേശിച്ചു. പാലം തകര്ച്ചയുമായി ബന്ധപ്പെട്ട് പിഡബ്ല്യുഡി വിജിലന്സ് ആദ്യം സമര്പ്പിച്ച റിപ്പോര്ട്ട് മന്ത്രി തിരിച്ചയച്ചിരുന്നു. ക്കഴിഞ്ഞ മെയ് 16 നായിരുന്ന കൂളിമാട് പാലത്തിന്റെ മൂന്ന് ബീമുകള് നിര്മാണത്തിനിടെ തകര്ന്നത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here