ഇന്ന് മുതല് ജൂണ് 21 വരെ ലക്ഷദ്വീപ് തീരത്തും നാളെ(ജൂണ് 18) മുതല് ജൂണ് 21 വരെ കേരള – കര്ണാടക തീരങ്ങളിലും മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ഇന്നും നാളെയും തമിഴ്നാട്(tamilnad) – കന്യാകുമാരി(kanyakumari) തീരങ്ങള്, ഗള്ഫ് ഓഫ് മാന്നാര്, തെക്ക് പടിഞ്ഞാറന് ബംഗാള് ഉള്ക്കടല് എന്നിവിടങ്ങളിലും ജൂണ് 19, 21 തീയതികളില് കന്യാകുമാരി തീരത്തും ജൂണ് 21 വരെ തെക്ക് കിഴക്കന് അറബിക്കടലിലും മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയെന്നും അറിയിപ്പില് പറയുന്നു.
ഈ സാഹചര്യത്തില് കേരള – ലക്ഷദ്വീപ് – കര്ണാടക തീരങ്ങളിലും മുന്നറിയിപ്പുള്ള മറ്റ് പ്രദേശങ്ങളിലും ഈ ദിവസങ്ങളില് മത്സ്യബന്ധനത്തിന് പോകരുതെന്ന് ജില്ലാ കളക്ടര് ഡോ. നവ്ജ്യോത് ഖോസ അറിയിച്ചു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here