ആരോഗ്യത്തിന് എറ്റവും ഉത്തമമായ ഒരു ഭക്ഷണമാണ് ഓട്സ്. ഏത് അസുഖമുള്ളവര്‍ക്കും കഴിയ്ക്കാവുന്ന ഒരു ഭക്ഷണമെന്നതു തന്നെ ഇതിന് കാരണം. ഉണ്ടാക്കാന്‍ എളുപ്പമുള്ള ഒരു വിഭവമാണ് ഓട്സ് ഉപ്പുമാവ്.
ആവശ്യമായ സാധനങ്ങള്‍
ഓട്സ്: 100 ഗ്രാം
ഉഴുന്നുപരിപ്പ്-അര ടേബിള് സ്പൂണ്‍
കടലപ്പരിപ്പ്-അര ടേബിള് സ്പൂണ്‍
കടുക്-1 ടീസ്പൂണ്‍
ജീരകം-അര ടീസ്പൂണ്‍
ചുവന്ന മുളക്-2
കറിവേപ്പില
ഉപ്പ്
വെളിച്ചെണ്ണ
തയാറാക്കുന്ന വിധം
ഒരു ചീനച്ചട്ടിയില്‍ എണ്ണ ചൂടാക്കുക. ഇതിലേക്ക് കടുകിട്ടു പൊട്ടിക്കുക. ജീരകവും ഇടുക. ഇതിനു പുറകെ മുളകും ഉഴുന്ന്,കടലപ്പരിപ്പും ഇടണം. കറിവേപ്പിലയും ചേര്‍ത്ത് നല്ലപോലെ ഇളക്കുക.
ഈ കൂട്ട് മൂത്തു കഴിഞ്ഞാല്‍ ഇതിലേക്ക് അരക്കപ്പ് വെള്ളമൊഴിക്കുക. ഉപ്പും ചേര്‍ക്കണം. ഇത് നല്ലപോലെ തിളച്ചു കഴിയുമ്പോള്‍ ഇതിലേക്ക് ഓട്സ് ചേര്‍ക്കണം. ഇത് നല്ലപോലെ ഇളക്കി വെള്ളം വറ്റിക്കഴിയുമ്പോള്‍ വാങ്ങിവയ്ക്കാം.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
Get real time update about this post categories directly on your device, subscribe now.
