മലപ്പുറം(Malappuram) മമ്പാട് യുവാവിന്റെ ദുരൂഹ മരണത്തില് 12 പേര് അറസ്റ്റില്(arrest). കോട്ടക്കല് സ്വദേശി പുലിക്കോട്ടില് മുജീബ് റഹ്മാന് ആണ് മരിച്ചത്. തടങ്കലില് പാര്പ്പിച്ച് മര്ദനം, ആത്മഹത്യാ പ്രേരണ എന്നീ വകുപ്പുകള് ചുമത്തിയാണ് പ്രതികളെ പൊലീസ് അറസ്റ്റ് ചെയ്തത്. ടെക്സ്റ്റൈല്സിന്റെ ഗോഡൗണിലാണ് യുവാവിനെ മരിച്ച നിലയില് കണ്ടെത്തിയത്.
മുജീബിന്റെ മരണം ആത്മഹത്യയാണെന്നാണ് പോസ്റ്റ്മോര്ട്ടം റിപ്പോര്ട്ട്. ടെക്സ്റ്റൈല്സ് ഉടമ ഉള്പ്പെടെയാണ് പൊലീസ് കസ്റ്റഡിയിലായത്. ശനിയാഴ്ച ഉച്ചയോടെയാണ് മുജീബിന്റെ മൃതദേഹം ഗോഡൗണില് നിന്ന് കണ്ടെത്തിയത്.
നേരത്തെ ബാങ്കില് മുക്കുപണ്ടം പണയം വച്ച കേസില് ജാമ്യത്തിലിറങ്ങിയാളാണ് മരിച്ച മുജീബ് റഹ്മാന്. പിന്നീട് ഇയാള് ഇന്ഡസ്ട്രിയല് ജോലിക്കായി 1.5 ലക്ഷം രൂപയ്ക്ക് കമ്പി വാങ്ങിയിരുന്നു. ഈ തുക പക്ഷേ കടമായിരുന്നു. കാലാവധി കഴിഞ്ഞിട്ടും തുക തിരികെ നല്കാനായിരുന്നില്ല. വെള്ളിയാഴ്ച ഇയാളുടെ ഭാര്യയുടെ ഫോണിലേക്ക് കയ്യും കാലും കെട്ടിയിട്ട് അവശനിലയിലായ മുജീബിന്റെ ഫോട്ടോ കടയിലെ ജീവനക്കാര് അയച്ചുകൊടുത്തിരുന്നു. പൊലീസില് ഏല്പ്പിക്കുമെന്നും പറഞ്ഞു. ഇതിനിടയിലാണ് മുജീബിന്റെ മരണം സംഭവിക്കുന്നത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here