അഫ്ഗാനിസ്താനില് ചൊവ്വാഴ്ച രാത്രിയുണ്ടായ ഭൂചലനത്തില് വന് നാശനഷ്ടം. 1000 പേര് മരിച്ചതായി താലിബാന് ഭരണകൂടത്തിന്റെ ഔദ്യോഗിക വാര്ത്താ ഏജന്സികള് റിപ്പോര്ട്ട് ചെയ്തു. മരണസംഖ്യ ഇനിയും ഉയര്ന്നേക്കും.
1500-ല് അധികം പേര്ക്ക് പരുക്കേറ്റിട്ടുണ്ട്.അഫ്ഗാന് പ്രകൃതി ദുരന്തനിവാരണ സഹമന്ത്രി മൗലവി ഷറഫുദ്ദീന് കാബൂളില് നടത്തിയ വാര്ത്താസമ്മേളനത്തെ ഉദ്ധരിച്ചാണ് വാര്ത്താ ഏജന്സികള് ഇക്കാര്യം റിപ്പോര്ട്ട് ചെയ്തിരിക്കുന്നത്.
റിക്ടര് സ്കെയിലില് 6.1 തീവ്രത രേഖപ്പെടുത്തി. കിഴക്കന് അഫ്ഗാനിലെ പക്തിക പ്രവിശ്യയിലെ ബര്മല, സിറുക്, നക, ഗയാന് ജില്ലകളിലാണ് ചൊവ്വാഴ്ച രാത്രി ഭൂചലനമുണ്ടായത്. ഭൂചലന ബാധിത പ്രദേശങ്ങളില് രക്ഷാപ്രവര്ത്തനം തുടര്ന്നുകൊണ്ടിരിക്കുകയാണ്.
ഹെലികോപ്റ്റര് അടക്കം ഉപയോഗിച്ച് രക്ഷാപ്രവര്ത്തനം നടത്തുന്നതിന്റെ ദൃശ്യങ്ങള് പുറത്തുവന്നിട്ടുണ്ട്. ഭൂചലനം അയല് രാജ്യമായ പാകിസ്താന്റെ അതിര്ത്തിപ്രദേശങ്ങളിലും ചെറിയ രീതിയില് നാശനഷ്ടങ്ങളുണ്ടാക്കിയതായി റിപ്പോര്ട്ടുണ്ട്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here