ബാലുശ്ശേരിയില്(Balusseri) ഡിവൈഎഫ്ഐ(DYFI) പ്രവര്ത്തകന് ജിഷ്ണു വധശ്രമക്കേസില് 4 പേര് കസ്റ്റഡിയില്. പ്രതികളുടെ അറസ്റ്റ് ഇന്നുണ്ടാകും. 29 പേര്ക്കെതിരെ ബാലുശ്ശേരി പൊലീസ്(Police) കേസെടുത്തിരുന്നു. ലീഗ്-എസ്ഡിപിഐ പ്രവര്ത്തകരാണ് ജിഷ്ണുവിനെ അക്രമിച്ചത്.
ബാലുശേരി പാലോളി മുക്കില് ഇന്ന് പുലര്ച്ചെ ഒന്നരയോടെയാണ് സംഭവം. ഒരുപിറന്നാള് ആഘോഷം കഴിഞ്ഞ് വീട്ടിലേക്ക് മടങ്ങുകയായിരുന്ന ജിഷ്ണുവിനെ ബൈക്ക് തടഞ്ഞുനിര്ത്തി ഒരുകൂട്ടം ആളുകള് മര്ദ്ദിക്കുകയായിരുന്നു. ഒരുമണിക്ക് പിടികൂടിയ ജിഷ്ണുവിനെ മൂന്നരയോടെ ബാലുശേരി പൊലീസിനെ വിളിച്ച് കൈമാറുകയും ചെയ്തു. സാരമായി പരിക്കേറ്റ യുവാവിനെ ഉടന് തന്നെ പൊലീസ് താലൂക്ക് ആശുപത്രിയില് പ്രവേശിപ്പിച്ചെങ്കിലും വിദഗ്ധ ചികിത്സയ്ക്കായി കോഴിക്കോട് മെഡിക്കല് കോളജിലേക്ക് മാറ്റിയിരുന്നു.
രണ്ടു മണിക്കൂര് നേരമാണ് ആള്ക്കൂട്ടം ജിഷ്ണുവിനെ ക്രൂരമായി മര്ദ്ദിച്ചത്. ഫ്ലക്സ് ബോര്ഡ് കീറിയതുള്പ്പടെ അടുത്തിടെ പ്രദേശത്തുനടന്ന സംഭവങ്ങള്ക്ക് പിന്നിലെല്ലാം താന് ആണെന്ന് നിര്ബന്ധിച്ച് പറയിപ്പിക്കുകയും വീഡിയോ എടുക്കുകയും ചെയ്തതായി ജിഷ്ണു പറഞ്ഞു. ബലം പ്രയോഗിച്ച് വടിവാള് പിടിപ്പിച്ചെന്നും ജിഷ്ണു പറയുന്നു. എല്ലാം കുറ്റങ്ങളും ഇവന് തന്നെ സമ്മതിച്ചിട്ടുണ്ടെന്നും ഇനി തെളിവ് വേണ്ടതില്ലെന്നും ആള്ക്കൂട്ടം പൊലീസിനോട് പറയുന്നതും വീഡിയോയില് കേള്ക്കാം.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here