ഹേയ് ലേഡീസ്…മുഖത്തെ രോമവളർച്ച നിങ്ങളുടെ കോൺഫിഡൻസ് കളയുന്നുവോ? എങ്കിൽ അറിയാം ഈ പൊടിക്കൈ

മുഖത്ത് വളരുന്ന രോമങ്ങള്‍ പല സ്ത്രീകളേയും അലട്ടുന്ന സൗന്ദര്യ പ്രശ്‌നമാണ്. ഇതിനാല്‍ തന്നെ ഇത് നീക്കാന്‍ പല വഴികളും പരീക്ഷിയ്ക്കുന്നവരുമുണ്ട്. ഇതിന് വീട്ടില്‍ തന്നെ ചെയ്യാവുന്ന പരിഹാര വഴികളുമുണ്ട്. കൃത്യമായി ചെയ്താല്‍ ഗുണം നല്‍കുന്ന ചിലത്. ഇത്തരത്തില്‍ ഒന്നാണ് മഞ്ഞള്‍പ്പൊടി ഉപയോഗിച്ച് ചെയ്യാവുന്ന ഫേഷ്യല്‍. ഇത് വീട്ടില്‍ തന്നെ ചെയ്യാവുന്ന പരിഹാര വഴിയാണ്. വളരെ എളുപ്പത്തില്‍ അധികം ചേരുവകളില്ലാതെ തന്നെ പരിഹാരം കണ്ടെത്താവുന്ന ഒന്ന്. ഇത് എങ്ങനെ ചെയ്യുമെന്ന് നോക്കൂ.

തൈര്

ഇതിനായി വേണ്ടത് മൂന്നു ചേരുവകളാണ്. മഞ്ഞള്‍പ്പൊടി, തൈര്, നാരങ്ങാനീര് എന്നിവയാണ് ഇത്. നാം ഭക്ഷണത്തില്‍ ഉപയോഗിയ്ക്കുന്ന ഒന്നാണ് തൈര്. പ്രോട്ടീന്‍ സമ്പുഷ്ടമായ തൈരും മോരുമെല്ലാം പല തരത്തിലെ ആരോഗ്യപരമായ ഗുണങ്ങളും നല്‍കുന്നവയാണ്. ഇത് സൗന്ദര്യ, മുടി സംരക്ഷണത്തിനും ഒരു പോലെ ഗുണകരമാണ്. തൈര് മുഖത്തിന് നല്ലൊന്നാന്തരം ബ്ലീച്ചിംഗ് ഇഫക്ടു നല്‍കുന്ന ഒന്നാണ്. ഇതിലെ ലാക്ടിക് ആസിഡാണ് ഈ ഗുണം നല്‍കുന്നത്.

നാരങ്ങ

ഒട്ടുമിക്ക ചർമ പ്രശ്നങ്ങളും പരിഹരിക്കുന്നതിന് സഹായകമായ നിരവധി പ്രകൃതിദത്ത ഉൽപന്നങ്ങൾ നമ്മുടെ അടുക്കളയിൽ തന്നെയുണ്ട്. അതിൽ ഏറ്റവും പ്രധാനപ്പെട്ടതാണ് നാരങ്ങ. ചർമത്തിൽ കറുത്ത പാടുകൾ നീക്കം ചെയ്യുന്നതിന് പേരുകേട്ടതാണ്. പ്രായാധിക്യം മൂലമുണ്ടാവുന്ന ചർമ്മത്തിലെ ചുളിവുകൾ പരിഹരിക്കാനും കറുത്ത പാടുകളെ സുഖപ്പെടുത്തുന്നതിനും ഇത് ഗുണം ചെയ്യും. രോമങ്ങള്‍ നീക്കാന്‍ പ്രധാനപ്പെട്ട പങ്ക് വഹിയ്ക്കുന്ന ഒന്നു കൂടിയാണ് മഞ്ഞള്‍.

മഞ്ഞൾ

പണ്ടു കാലം മുതല്‍ തന്നെ സൗന്ദര്യ സംരക്ഷണത്തില്‍ സഹായിക്കുന്ന ഒന്നാണ് മഞ്ഞൾ. വിലപ്പെട്ട ആൻറി ഇൻഫ്ലമേറ്ററി ഗുണങ്ങളും, ആൻറി ബാക്ടീരിയൽ, ആന്റിഫംഗൽ സവിശേഷതകളുമുള്ള മഞ്ഞൾ , ചർമ്മത്തിലെ അണുബാധ, വരൾച്ച, ചുണങ്ങുകൾ എന്നിവ പരിഹരിക്കുന്നതിൽ അത്ഭുതങ്ങൾ പ്രവർത്തിക്കുന്നു. പാടുകൾ വരുന്നത് തടയുവാനും ഇത് സഹായിക്കുന്നു.ചര്‍മത്തിലെ കരുവാളിപ്പു മാറ്റുന്നതിനും സണ്‍ ടാന്‍ തടയുന്നതിനും നല്ലൊരു വഴിയാണിത്. ഇത് സൂര്യന്റെ അള്‍ട്രാ വയലറ്റ് രശ്മികളില്‍ നിന്നും ചര്‍മത്തിന് സംരക്ഷണം നല്‍കുന്നു.

​ഇതിനായി

ഇതിനായി പുളിയുളള തൈര് എടുക്കാം. ഇതില്‍ അല്‍പം മഞ്ഞള്‍പ്പൊടിയും അല്‍പം നാരങ്ങാനീരും ചേര്‍ക്കാം. ഇത് നല്ലതു പോലെ ഇളക്കിച്ചേര്‍ത്ത ശേഷം രോമങ്ങളുള്ളിടത്ത് പുരട്ടാം. ഇത് രോമങ്ങള്‍ നീക്കാനും രോമ നിറം കുറയ്ക്കാനും നല്ലതാണ്. ആഴ്ചയില്‍ മൂന്നു നാല് ദിവസമെങ്കിലും ഇത് ചെയ്താല്‍ ഏറെ ഗുണം ലഭിയ്ക്കും. ഈ കൂട്ട് ചര്‍മത്തിലെ കറുപ്പകറ്റാനും തിളക്കം നല്‍കാനുമെല്ലാം ഏറെ നല്ലതുമാണ്. യാതൊരു ദോഷവും വരുത്താത്ത പ്രകൃതിദത്ത വഴിയാണിത്.

കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും  ലഭ്യമാണ്.  വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.