ടി കെ രാജീവ് കുമാർ ചിത്രം ബർമുഡയുടെ റിലീസ് തീയതി പ്രഖ്യാപിച്ചു. ജൂലൈ 29നാണ് ചിത്രം തിയറ്ററുകളില് എത്തുക. തിയറ്ററിലെ സിനിമാനുഭവം ഓർമ്മിപ്പിക്കുന്ന ബർമുഡ ടീസറുകൾ സീരീസായി ഉണ്ടാകുമെന്ന് അണിയറപ്രവർത്തകർ അറിയിച്ചു. ഷെയ്ന് നിഗം, വിനയ് ഫോർട്ട് എന്നിവർ പ്രധാന കഥാപാത്രങ്ങളാകുന്ന ചിത്രം എൻ എം ബാദുഷ സിനിമാസ്, 24 ഫ്രെയിംസ് എന്നീ ബാനറുകളില് സൂരജ് സി കെ, ബിജു സി ജെ, ബാദുഷ എന് എം, ഷിനോയ് മാത്യു എന്നിവര് ചേര്ന്നാണ് നിര്മ്മിക്കുന്നത്.
‘കാണാതായതിന്റെ ദുരൂഹത’ എന്ന ടാഗ് ലൈനോടെയെത്തുന്ന ചിത്രം ഹാസ്യത്തിന് പ്രാധാന്യമുള്ള ഒന്നാണ്. കൃഷ്ണദാസ് പങ്കിയാണ് രചന നിര്വ്വഹിച്ചിരിക്കുന്നത്. സൈജു കുറുപ്പ്, സുധീര് കരമന, മണിയന്പിള്ള രാജു, ഇന്ദ്രന്സ്, സാജൽ സുധര്ശന്, ദിനേഷ് പണിക്കര്, കോട്ടയം നസീര്, നന്ദു, നിരഞ്ജന അനൂപ്, ഗൗരി നന്ദ, നൂറിന് ഷെറീഫ്, ഷൈനി സാറ തുടങ്ങിയവരാണ് മറ്റു കഥാപാത്രങ്ങളെ അവതരിപ്പിക്കുന്നത്.
അഴകപ്പൻ ആണ് ഛായാഗ്രഹണം. ശ്രീകര് പ്രസാദ് എഡിറ്റിംഗ് നിര്വഹിച്ചിരിക്കുന്ന ചിത്രത്തിൻ്റെ കലാസംവിധാനം ദിലീപ് നാഥ് ആണ്. വിനായക് ശശികുമാർ, ബീയാർ പ്രസാദ് എന്നിവരുടെ വരികൾക്ക് സംഗീതം പകർന്നിരിക്കുന്നത് രമേഷ് നാരായണനാണ്. വസ്ത്രാലങ്കാരം സമീറ സനീഷ്, മേക്കപ്പ് അമല് ചന്ദ്രന്, ചീഫ് അസോസിയേറ്റ് ഡയറക്ടര് രാജേഷ് കെ പാർത്ഥൻ, ഷൈനി ബെഞ്ചമിന്, അസോസിയേറ്റ് ഡയറക്ടര് അഭി കൃഷ്ണ, പ്രൊഡക്ഷന് കണ്ട്രോളര് പ്രതാപന് കല്ലിയൂര്, കൊറിയോഗ്രഫി പ്രസന്ന സുജിത്ത്, പ്രൊഡക്ഷന് എക്സിക്യൂട്ടീവ് ഹര്ഷന് പട്ടാഴി.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here