പുതുമുഖ നടിയെ പീഡിപ്പിച്ച കേസിൽ വിജയ് ബാബു ചോദ്യം ചെയ്യലിന് ഹാജരായി. കൊച്ചി സൗത്ത് പോലീസ് സ്റ്റേഷനിലാണ് ഹാജരായത്.ഇന്ന് മുതൽ 7 ദിവസം ചോദ്യം ചെയ്യലിന് ഹാജരാകാൻ ഹൈക്കോടതി
വിജയ് ബാബുവിന് നിർദ്ദേശം നൽകിയിരുന്നു.
മുന്കൂര് ജാമ്യം ലഭിച്ച പശ്ചാത്തലത്തില് ഹൈക്കോടതി നിര്ദേശ പ്രകാരമായിരിക്കും നടപടികള്. ഇന്ന് മുതല് ജൂലൈ 3 വരെയാണ് വിജയ്ബാബുവിനെ ചോദ്യം ചെയ്യുക. രാവിലെ 9 മുതല് വൈകിട്ട് 6 വരെയാണ് ചോദ്യം ചെയ്യാന് അനുമതി. തെളിവെടുപ്പിനും അന്വേഷണ സംഘം കൊണ്ടുപോകും.
നാട്ടില് ഉണ്ടാകണമെന്നത് ഉള്പ്പെടെ ഉപാധികളോടെയാണ് ഈ മാസം 22 ന് വിജയ് ബാബുവിന് ഹൈക്കോടതി മുന്കൂര് ജാമ്യം നല്കിയത്. അന്വേഷണ സംഘത്തിനു മുന്നില് ഹാജരാകേണ്ടി വന്നാല് ഹാജരാകണമെന്ന് നിര്ദ്ദേശിച്ച കോടതി തിങ്കളാഴ്ച അന്വേഷണ ഉദ്യോഗസ്ഥന് മുമ്പാകെ ഹാജരാകണമെന്നും വ്യക്തമാക്കിയിരുന്നു. സമൂഹ മാധ്യമത്തിലൂടെയോ അല്ലാതെയോ അതിജീവിതയെയോ അവരുടെ കുടുംബത്തെയോ അപമാനിക്കാന് ശ്രമിക്കരുതെന്നും കോടതി വ്യക്തമാക്കി. അഞ്ച് ലക്ഷം രൂപയുടെ ബോണ്ടിന്മേലാണ് ജാമ്യം അനുവദിച്ചത്.
കഴിഞ്ഞ ഏപ്രില് 26നാണ് സിനിമയില് അവസരം വാഗ്ദാനം ചെയ്ത് വിജയ് ബാബു പീഡനത്തിന് ഇരയാക്കിയെന്ന് നടി വെളിപ്പെടുത്തിയത്. സൗത്ത് പൊലീസില് പരാതിയും നല്കി. കേസ് രജിസ്റ്റര് ചെയ്തതിന് പിന്നാലെ വിജയ് ബാബു നടിയുടെ പേര് ഫേസ്ബുക്ക് ലൈവിലൂടെ വെളിപ്പെടുത്തിയിരുന്നു. പരാതിക്ക് പിന്നാലെ വിദേശത്തേക്ക് പോയ വിജയ് ബാബു 39 ദിവസങ്ങള്ക്ക് ശേഷം കഴിഞ്ഞ ബുധനാഴ്ചയാണ് സംസ്ഥാനത്ത് തിരിച്ചെത്തിയത്. നടിയെ പീഡിപ്പിച്ചു, ഇരയുടെ പേര് വെളിപ്പെടുത്തി എന്നീ രണ്ട് കേസുകളാണ് വിജയ് ബാബുവിനെതിരെ രജിസ്റ്റര് ചെയ്തിട്ടുള്ളത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here