പുതുമുഖനടിയെ പീഡിപ്പിച്ച കേസില് വിജയ് ബാബു(Vijay Babu) കുറ്റക്കാരനാണെന്ന് തെളിഞ്ഞതായി കൊച്ചി ഡിസിപി(DCP) വി.യു കുര്യക്കോസ്. ചോദ്യം ചെയ്യലിന് ഹാജരായ വിജയ് ബാബുവിന്റെ അറസ്റ് രേഖപ്പെടുത്തി കസ്റ്റഡിയിലെടുത്തിരിക്കുകയാണ്. തെളിവെടുപ്പിനായി വിജയ് ബാബുവിനെ കൊണ്ടുപോകും. അന്വേഷണത്തില് പ്രതികുറ്റം ചെയ്തതായി തെളിഞ്ഞതാണ്. തെളിവെടുപ്പിനായി കൊണ്ടുപോകും. ഇപ്പോള് അറസ്റ്റ്(Arrest) രേഖപ്പെടുത്തി കസ്റ്റഡിയില് എടുത്തിരിക്കുകയാണ്. തെളിവെടുപ്പിന് ശേഷം വീണ്ടും വിശദമായി ചോദ്യം ചെയ്യുമെന്നും ഡിസിപി പറഞ്ഞു.
ചോദ്യം ചെയ്യലിന് ശേഷം ഹൈക്കോടതിയില് നിന്ന് മുന്കൂര് ജാമ്യം നേടിയ പശ്ചാത്തലത്തില് സ്റ്റേഷന് ജാമ്യത്തില് വിട്ടേക്കും. പരാതിയില്നിന്ന് പിന്മാറാന് അതിജീവിതയ്ക്ക് വിജയ് ബാബു ഒരു കോടി രൂപ വാഗ്ദാനം ചെയ്തെന്ന് നേരത്തെ ആരോപണമുണ്ടായിരുന്നു. ഇത് സംബന്ധിച്ചും അന്വേഷണം നടത്തും. നടിയുടെ പേര് സമൂഹമാധ്യമങ്ങളില് വെളിപ്പെടുത്തിയ കേസിലും നടപടിയുണ്ടാകുമെന്നും ഡിസിപി കൂട്ടിച്ചേര്ത്തു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here