പ്രതിപക്ഷത്തിന്റെ രാഷ്ട്രപതി സ്ഥാനാര്ത്ഥി യശ്വന്ത് സിന്ഹ കേരളത്തിലെത്തി. ഇന്ന് കേരളത്തില് പ്രചാരണം നടത്തും. ഇന്നലെ വൈകീട്ട് ഏഴ് മണിയോടെ തിരുവനന്തപുരത്തെത്തിയ യശ്വന്ത് സിന്ഹയെ യുഡിഎഫ് നേതാക്കളെത്തിയാണ് സ്വീകരിച്ചത്. പ്രതിപക്ഷ നേതാവ് വി ഡി സതീശന്, പി കെ കുഞ്ഞാലിക്കുട്ടി, ഇ ടി മുഹമ്മദ് ബഷീര് എന്നിവര് ചേര്ന്നാണ് യശ്വന്ത് സിന്ഹയെ സ്വീകരിച്ചത്.
ഭരണ പ്രതിപക്ഷ നേതാക്കളെ സന്ദര്ശിച്ച് അദ്ദേഹം പിന്തുണ തേടും. ഇന്ന് ഉച്ചയ്ക്ക് രണ്ട് മണിക്ക് നിയമസഭയിലെ ശങ്കരനാരായണന് തമ്പി ലോഞ്ചില് എല്ഡിഎഫ് എംപിമാരുമായും എംഎല്എമാരുമായും യശ്വന്ത് സിന്ഹ കൂടിക്കാഴ്ച നടത്തും. മൂന്ന് മണിക്കാണ് യുഡിഎഫ് അംഗങ്ങളുമായുള്ള കൂടിക്കാഴ്ച. പിന്നീട് വാര്ത്താ സമ്മേളനത്തിലും ഗാന്ധി ഭവനിലെ സ്വീകരണ പരിപാടിയിലും പങ്കെടുക്കും.
നൂറ് ശതമാനം വോട്ട് കിട്ടുന്ന കേരളത്തില് പ്രചാരണത്തിന് ഗംഭീര തുടക്കം കുറിക്കാനാകുമെന്നാണ് ഇന്നലെ അദ്ദേഹം പ്രതികരിച്ചത്. ഒരു ദിവസത്തെ പ്രചാരണത്തിന് ശേഷം നാളെ രാവിലെ അദ്ദേഹം ചെന്നൈയിലേക്ക് പുറപ്പെടും. ഭരണകക്ഷി നേതാക്കള് ആരും വിമാനത്താവളത്തില് എത്തിയിരുന്നില്ല. കേരളം ഹൃദയത്തോട് ചേര്ന്ന് നില്ക്കുന്ന സംസ്ഥാനമെന്ന് യശ്വന്ത് സിന്ഹ പറഞ്ഞു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here