ഇന്ന് നിരവധി ആളുകളാണ് നമുക്ക് ചുറ്റും വാഴ കൃഷി ചെയ്യുന്നത്. എന്നാല് അവര്ക്കെല്ലാം തന്നെ അവര് വിചാരിക്കുന്ന വരുമാനം കിട്ടാറില്ല എന്നതാണ് സത്യാവസ്ഥ. എന്താണ് അതിന്റെ കാരണം എന്ന് നിങ്ങള് എപ്പോഴെങ്കിലും ചിന്തിച്ചിട്ടുണ്ടോ? നല്ല ഇനം വിത്തുകള് കിട്ടാത്തതും മോശമായ കാലവസ്ഥയുമൊക്കെ വാഴ കൃഷിയില് വരുമാനം കുറയാനുള്ള കാരണങ്ങളാണ്.
നല്ല ഇനം വിത്തുകളും പെട്ടന്ന് കായ്ക്കുന്നതുമായ വാഴ വിത്തുകള് കൃഷി ചെയ്യുന്നത് വരുമാനമുണ്ടാക്കാന് സാധിക്കും. നല്ല വളക്കൂറും നനവുമുള്ള മണ്ണിലാണ് വാഴ കൃഷി ചെയ്യേണ്ടത്. മഴയെ ആശ്രയിച്ചാണ് കൃഷി ചെയ്യുന്നതെങ്കില് ഏപ്രില്- മെയ് മാസങ്ങളിലും ജലസേചനം നടത്തിയാണ് കൃഷി ചെയ്യുന്നതെങ്കില് ഓഗസ്റ്റ് – സെപ്റ്റംബര് മാസങ്ങളിലും വാഴ നടാം.
പ്രാദേശികമായ കാലാവസ്ഥ വ്യതിയാനങ്ങള്ക്കനുസരിച്ച് നടീല് സമയം മാറ്റാവുന്നതാണ്. നടുന്ന സമയത്ത് അതിയായ മഴയോ വെയിലോ നല്ലതല്ല. 50 സെന്റീമീറ്റര് നീളവും ആഴവും വീതിയുമുള്ള കുഴികളിലാണ് സാധാരണയായി വാഴ നടുന്നത്. എന്നാല് താഴ്ന്ന പ്രദേശങ്ങളില് കൂനകളില് നടുന്നതാണ് നല്ലത്.
കുഴികള് തമ്മില് രണ്ടു മീറ്റര് അകലം പാലിക്കണം
രോഗങ്ങളില്ലാത്ത ആരോഗ്യമുള്ള സൂചികന്നുകള് തിരഞ്ഞെടുക്കണം. ഒരു കുഴിയില് 500 ഗ്രാം കുമ്മായം ചേര്ക്കാം . അടുത്ത ദിവസം ഒരു കുഴിയില് 10 കിലോ ജൈവവളം ചേര്ക്കണം. ഈ കുഴിയിലേക്ക് വാഴക്കന്നുകള് നടാം.
കൃത്യമായ നിരീക്ഷണമുണ്ടെങ്കില് ജൈവനിയന്ത്രണ മാര്ഗ്ഗത്തില് തന്നെ ഒട്ടുമിക്ക രോഗങ്ങളെയും കീടങ്ങളെയും നിയന്ത്രിക്കാനാകും. ഒപ്പം കൃഷിയിടം വൃത്തിയായി സൂക്ഷിക്കാനും ശ്രദ്ധിക്കണം. ഇതൊക്കെ ശ്രദ്ധിച്ചാല് വാഴകൃഷിയില് നമുക്ക് നല്ല വരുമാനം നേടാം..
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here