അവില്‍ എടുക്കാനുണ്ടെങ്കില്‍ ഉണ്ടാക്കാം അടിപൊളി ഗുലാബ് ജാം

അവില്‍ കൊണ്ട് എങ്ങിനെ ഗുലാബ് ജാം ഉണ്ടാക്കാം എന്നു നോക്കാം

അവല്‍ – 2 Cup

ഗോതമ്പുപൊടി – 2 tablespoon

പാല്‍പൊടി – 2 tablespoon

ഉപ്പ് – ഒരു നുള്ള്

എണ്ണ – ആവശ്യത്തിന്

വെള്ളം – 1 Cup

പഞ്ചസാര – 1 Cup

മഞ്ഞള്‍ പൊടി – ഒരു നുള്ള്

ഏലക്കാ – 1 എണ്ണം

ആദ്യം അവല്‍ നല്ലതുപോലെ കഴുകി വെള്ളം പിഴിഞ്ഞുവെക്കുക . ഇതിലേക്ക് ഗോതമ്പുപൊടിയും , പാല്‍പൊടിയും ഒരു നുള്ള് ഉപ്പും ചേര്‍ത്ത് കുഴക്കുക . കയ്യില്‍ ഒട്ടിപ്പിടിക്കുന്നുണ്ടെങ്കില്‍ സ്വല്പം നെയ്യോ എണ്ണയോ കയ്യില്‍ തടവുക . ഇതില്‍ വേറെ വെള്ളം ചേര്‍ക്കേണ്ട ആവശ്യം ഇല്ല. അവല്‍ കഴുകിയതുകൊണ്ട് ആ നനവ് മതിയാകും കുഴക്കുന്നതിന് .

കുഴച്ചിതിനു ശേഷം മാവ് ചെറിയ ചെറിയ ബോള്‍സ് ആയിട്ട് ഉരുട്ടി എടുക്കുക . ഒരു പാനില്‍ എണ്ണ ചൂടാക്കിയ ശേഷം ഓരോ ബോള്‍സും എണ്ണയിലിട്ടു ഇളക്കി പൊരിച്ച് എടുക്കുക . ഒരു ബ്രൗണ്‍ കളര്‍ ആവുമ്പോള്‍ കോരി മാറ്റുക .

ഇനി വേറെ ഒരു പാന്‍ അടുപ്പില്‍ വെച്ച് അതിലേക്ക് ഒരു കപ്പ് പഞ്ചസാരയും ഒരു കപ്പ് വെള്ളവും ഏലക്കായും മഞ്ഞള്‍പൊടിയും ചേര്‍ത്ത് ഇളക്കുക .

പഞ്ചസാര പാനി ഒരു നൂല്‍ പരുവം ആകുമ്പോള്‍ അടുപ്പില്‍നിന്നു മാറ്റിവെച്ച് ഇതിലേക്ക് നേരത്തെ തയ്യാറാക്കിവെച്ച ബോള്‍സ് ഇട്ട് വെക്കുക . ബോള്‍സ് പഞ്ചസാര പാനിയില്‍ മുങ്ങി കിടക്കണം . ഒരു രണ്ടു മണിക്കൂറിനുശേഷം (നന്നായി കുതിരണം) ഉപയോഗിക്കാം .

കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും  ലഭ്യമാണ്.  വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.