“ചക്ക ” പോലെ കുഴഞ്ഞ് നീലകണ്ഠന്റെ ഫേസ്ബുക്ക് പോസ്റ്റ്

എഴുത്തുകാരനും പരിസ്ഥിതി പ്രവർത്തകനുമായ സി ആർ നീലകണ്ഠനെ ട്രോളി സോഷ്യൽ മീഡിയ. നീലകണ്ഠൻ സോഷ്യൽ മീഡിയയിൽ പങ്കുവെച്ച ചക്ക പോസ്റ്റ് ആണ് ട്രോളുകൾ ഏറ്റു വാങ്ങിയത്. ചക്കയും പോസ്റ്റും ഒരുപോലെ കുഴഞ്ഞ മട്ടിലാണ് ഇപ്പോൾ കാര്യങ്ങൾ.” കഴിഞ്ഞ കോവിഡ് കാലത്ത് സാധാരണ ജനം ചക്കയിലേക്ക് ചെറുതായൊന്ന് എത്തി നോക്കിയിരുന്നു,
അതിനെ തടയിട്ടത്
ഇടതുപക്ഷ ഗവൺമെന്റ് നമുക്ക് തന്ന ഭക്ഷ്യപ്പൊതികളായിരുന്നു ” എന്നാണ് നീലകണ്ഠൻ തന്റെ ഫേസ്ബുക് പോസ്റ്റിൽ കുറിച്ചത്. ചക്ക ദിനത്തിൽ പോസ്റ്റിട്ട നീലകണ്ഠന് പിന്നീടങ്ങോട്ട് ട്രോളുകളുടെ പെരുമഴയായിരുന്നു.

അങ്ങനെയെങ്കിൽ ഇതിന് പ്രതികാരമായി താങ്കൾ ഇനിയുള്ള കാലം മുഴുവൻ ചക്ക മാത്രം തിന്ന് ജീവിക്കണം എന്നായിരുന്നു ആദ്യ ട്രോൾ. ചക്ക കഴിക്കാൻ നമ്മളെ സമ്മതിക്കാത്ത ഇടതു ഭീകരത പുറത്തു കൊണ്ട് വന്ന സി ആർ നീലകണ്ഠന് അഭിവാദ്യങ്ങൾ,ചക്ക തിന്നേണ്ടവർക്ക് കിറ്റ് കൊടുത്ത പിണറായിയോട് ദൈവം ചോദിക്കും അല്ലേ നീലാണ്ട, ഇങ്ങനെ മണ്ടത്തരം വിളമ്പാതെ രണ്ട് ചക്ക വെട്ടി പൊളിച്ചു വായിൽ കേറ്റി മിണ്ടാതെ ഇരുന്നൂടെ ചങ്ങായി, ഇയാൾക്ക് വേറൊരു പണിയും ഇല്ലല്ലേ, ചക്കയിൽ പോലും ഇടതുപക്ഷ വിരുദ്ധത കലർത്തുക എന്നാൽ ഭയങ്കരം തന്നെ,കേരളത്തിന്റെ ചക്കയെ നശിപ്പിക്കാൻ ആഗോള തലത്തിൽ നടന്ന ഗുഡാലോചനയുടെ ഫലമായിരുന്നു ഭക്ഷ്യ കിറ്റ് എന്നതാണ് ശരി നീലകണ്ഠ,എന്റെ ചക്ക മുത്തപ്പാ നീലചടയൻ സോറി നീലാണ്ടനെ കാത്തോണേ തുടങ്ങി നിരവധി ട്രോളുകൾ ആണ് നീലകണ്ഠന്റെ പോസ്റ്റിന് ലഭിച്ചത്.

ചക്ക ദിനത്തിൽ പോലും ഇത്തരത്തിൽ ഒരു പോസ്റ്റിട്ട നീലകണ്ഠന് ഇടതു സർക്കാരിനെ എങ്ങനെയും വിമർശിക്കുക മാത്രമാണ് ലക്ഷ്യം എന്നാണ് സോഷ്യൽ മീഡിയ വാദം.

കഴിഞ്ഞ ദിവസം കൈരളി മാധ്യമ പ്രവർത്തകയെ പി സി ജോർജ് അവഹേളിച്ച സംഭവത്തിലും തെറ്റ് മാധ്യമസ്ഥാപനത്തിന്റേത് എന്ന് തോന്നിപ്പിക്കും വിധമുള്ള പോസ്റ്റ് ആണ് നീലകണ്ഠൻ ഫേസ്ബുക്കിൽ പങ്കുവെച്ചിരുന്നത്. “ഇയാളുടെ മുന്നിൽ ക്യാമറയുമായി തള്ളിക്കയറുന്നവരെ പറയണം ” എന്ന് തുടങ്ങുന്ന പോസ്റ്റ് ആണ് നീലകണ്ഠൻ മാധ്യമ പ്രവർത്തകയെ അവഹേളിച്ച വിഷയത്തിൽ പോസ്റ്റ് ചെയ്തിരുന്നത്. ഇതിലും അദ്ദേഹത്തിന്റെ ഇടതുപക്ഷ വിരുദ്ധത വ്യക്തമാണ് എന്നാണ് സോഷ്യൽ മീഡിയ പറയുന്നത്.
കെ റെയിൽ വിഷയത്തിലും പൊള്ളയായ ന്യായങ്ങൾ നിരത്തി നീലകണ്ഠൻ ഇടത് സർക്കാരിനെ വിമർശിച്ച് പരസ്യമായി രംഗത്ത് വന്നിരുന്നു. അതിനുള്ള മറുപടിയും സോഷ്യൽ മീഡിയ നൽകിയിരുന്നു.

എന്ത് തന്നെ സംഭവിച്ചാലും ശെരി നീലകണ്ഠന്റെ ലക്ഷ്യം ഇടത് സർക്കാരിനെ വിമർശിക്കുക മാത്രമാണ് എന്നും പറഞ്ഞാണ് സോഷ്യൽ മീഡിയയിൽ ട്രോളുകൾ പരക്കുന്നത്.ഒരു ചക്ക വരുത്തിവച്ച വിന നോക്കണേ…

കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും  ലഭ്യമാണ്.  വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.