പ്ലാസ്റ്റിക് ക്യാരി ബാഗുകള്‍ക്ക് ബൈ പറഞ്ഞ് വയനാട്ടില്‍ ഇനി ചോളത്തില്‍ നിന്നും ക്യാരിബാഗുകള്‍. എളുപ്പത്തില്‍ മണ്ണില്‍ അലിയുമെന്നതാണ് ചോളം കൊണ്ടുണ്ടാക്കിയ ബാഗുകളുടെ പ്രത്യേകത. വയനാട് നടവയലിലുള്ള നീരജ് ഡേവിസാണ് ഇതിന് നേതൃത്വം നല്‍കുന്നത്.
കാണുമ്പോള്‍ പ്ലാസ്റ്റിക് പോലെ തോന്നുന്ന ഇവ എളുപ്പത്തില്‍ മണ്ണില്‍ അലിയുമെന്നതാണ് ചോളം കൊണ്ടുണ്ടാക്കിയ ബാഗുകളുടെ പ്രത്യേകത. കത്തിച്ചുകഴിഞ്ഞാല്‍ ഇവ ചാരമായിമാറുകയും ചെയ്യും. മരം മുറിച്ച് പേപ്പര്‍ കാരിബാഗുകള്‍ ഉണ്ടാക്കുന്നത് പ്രകൃതിസൗഹൃദമല്ലല്ലോ. ഇതുപോലുള്ള പ്രകൃതിയോടിണങ്ങിയ വസ്തുക്കള്‍ എന്തുകൊണ്ട് നമുക്ക് ദൈനംദിന ജീവിതത്തിന്റെ ഭാഗമാക്കിക്കൂടായെന്ന് നീരജ് പറയുന്നു.
പ്ലാസ്റ്റിക് മാലിന്യം കുന്നുകൂടുന്ന സാഹചര്യത്തില്‍ പ്രകൃതിയോടിണങ്ങിയ ഇത്തരം പ്രോഡക്ടുകളും സ്റ്റാര്‍ട്ട് അപ്പുകളും കൂടുതല്‍ ശ്രദ്ധേയമാവുകയാണ്.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
Get real time update about this post categories directly on your device, subscribe now.
