സഹപാഠികള്ക്ക് മരണവുമായി ബന്ധപ്പെട്ട സന്ദേശം നല്കിയശേഷം എന്ജിനീയറിങ് വിദ്യാര്ഥിനി ജീവനൊടുക്കി. മണിയൂര് എന്ജിനീയറിങ് കോളേജ് വിദ്യാര്ഥിനി തുറയൂര് എളാച്ചിക്കണ്ടി നൈസയെ (19) ആണ് വീടിനകത്ത് തൂങ്ങിമരിച്ചനിലയില് കണ്ടെത്തിയത്.
തിങ്കളാഴ്ച ഉച്ചയ്ക്കാണ് സംഭവം. കോളേജില്നിന്ന് അസുഖമാണെന്ന് പറഞ്ഞ് വീട്ടിലെത്തിയ നൈസ കോളേജ് യൂണിഫോമിലാണ് ജീവനൊടുക്കിയത്. ഫോണ്സന്ദേശം കിട്ടിയ ഉടനെ സുഹൃത്തുക്കള് വീട്ടിലേക്കുവന്നെങ്കിലും തൂങ്ങിയനിലയിലായിരുന്നു. വീട്ടില് മറ്റാരുമുണ്ടായിരുന്നില്ല. അച്ഛന്: സജി. അമ്മ: ഇന്ദുലേഖ (ഡോക്ടേഴ്സ് ലാബ്, പയ്യോളി). സഹോദരി: നേഹ.
Covid:കൊവിഡ് മൂലം മാതാപിതാക്കള് നഷ്ടപ്പെട്ട കുട്ടികള്ക്ക് തുടര്പഠനം സാധ്യമാക്കാന് ജില്ലാ ശിശു സംരക്ഷണ വകുപ്പ്
(Covid 19)കൊവിഡ് 19 മഹാമാരി മൂലവും മറ്റു സാഹചര്യങ്ങള് കൊണ്ടും തിരുവനന്തപുരം ജില്ലയില് പ്രാഥമിക പഠനം ആരംഭിച്ചിട്ടില്ലാത്തതോ ഇടയ്ക്ക് വെച്ചുപഠനം നിര്ത്തിട്ടുള്ളതോ ആയ കുട്ടികളെ കണ്ടെത്തി തുടര്പഠനം സാധ്യമാക്കുന്നതിന് പദ്ധതിയുമായി ജില്ലാ ശിശു സംരക്ഷണ വകുപ്പ്.
കൊവിഡ് മഹാമാരിയില് മാതാപിതാക്കള് പൂര്ണ്ണമായും നഷ്ടപ്പെടുക, മുന്പ് മാതാവോ പിതാവോ നഷ്ടപ്പെട്ടിരുന്നതും കൊവിഡ് മൂലം നിലവില് ഉണ്ടായിരുന്ന രക്ഷകര്ത്താവ് നഷ്ടപ്പെട്ടുക, മാതാവോ പിതാവോ ഉപേക്ഷിച്ചു പോകുകയും കൊവിഡ് മൂലം നിലവില് ഉണ്ടായിരുന്ന രക്ഷകര്ത്താവ് നഷ്ടപ്പെട്ടുക, കൊവിഡ് മൂലം എതെങ്കിലും ഒരു രക്ഷിതാവ് നഷ്ടപ്പെടുക തുടങ്ങിയ സാഹചര്യങ്ങളില് പഠനം മുടങ്ങിയ വിദ്യാര്ത്ഥികള് ഉള്ളതായി ശ്രദ്ധയില്പ്പെട്ടാല് കുട്ടിയുടെ പൂര്ണ്ണവിവരങ്ങള് സഹിതം രേഖമൂലം നേരിട്ടോ ഇ-മെയിലിലോ ജില്ലാശിശു സംരക്ഷണ ഓഫീസില് അറിയിക്കണമെന്ന് ജില്ലാ ശിശു സംരക്ഷണ വകുപ്പ് ഓഫീസര് അറിയിച്ചു. വിലാസം- ജില്ലാ ശിശു സംരക്ഷണ യൂണിറ്റ്, ടി.സി.42/1800, എല് എച്ച് ഒ യ്ക്ക് എതിര്വശം, എസ് ബി ഐ, പൂജപ്പുര. ഇ-മെയില് : tvmdcpu2015@gmail.com.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here