പൃഥ്വിരാജിനെ നായകനാക്കി ഷാജി കൈലാസ് സംവിധാനം ചെയ്യുന്ന ചിത്രം കടുവ(kaduva) നാളെ തിയറ്ററുകളിലെത്തും. കാത്തിരിപ്പുകൾക്കൊടുവിൽ സിനിമ തിയറ്ററിലെത്തുന്നതിന്റെ ആവേശത്തിലാണ് ആരാധകരും. നിയമ തടസ്സങ്ങള് മാറിയ ചിത്രത്തിന് യു/ എ സര്ട്ടിഫിക്കേഷന് ആണ് ലഭിച്ചിരിക്കുന്നത്.
ചിത്രത്തിന്റെ മലയാളം വെർഷനാണ് നാളെ തിയറ്ററുകളിൽ എത്തുന്നത്. ഹിന്ദി, കന്നഡ, തമിഴ്, തെലുങ്ക് വെർഷനുകൾ ജൂലൈ എട്ടിന് തിയറ്ററുകളിൽ എത്തും. ജോസ് കുരുവിനാക്കുന്നേല് എന്ന കുറുവച്ചന് നല്കിയ പരാതിയെത്തുടര്ന്നാണ് ചിത്രത്തിന്റെ റിലീസിംഗില് അനിശ്ചിതത്വം നേരിട്ടത്.
പരാതി പരിശോധിക്കാന് സെന്സര് ബോര്ഡിന് ഹൈക്കോടതി സിംഗിള് ബഞ്ച് നിര്ദേശം നല്കിയിരുന്നു. സിനിമ തന്റെ ജീവിതത്തെ അടിസ്ഥാനമാക്കി ഉള്ളതാണെന്നും തന്നെയും കുടുംബത്തേയും അവഹേളിക്കുന്ന രംഗങ്ങൾ സിനിമയിലുണ്ടെന്നുമായിരുന്നു ഇദ്ദേഹത്തിന്റെ പരാതി. ഇത് പരിശോധിക്കാനാണ് ഹൈക്കോടതി സിംഗിള് ബഞ്ച് സെൻസർ ബോർഡിന് നിർദേശം നൽകിയത്.
‘കടുവക്കുന്നേല് കുറുവച്ചൻ’ എന്ന കഥാപാത്രമായിട്ടാണ് പൃഥ്വിരാജ് അഭിനയിക്കുന്നത്. ചിത്രം നിർമ്മിക്കുന്നത് പൃഥ്വിരാജ് പ്രൊഡക്ഷന്സും ലിസ്റ്റിന് സ്റ്റീഫന്റെ മാജിക് ഫ്രെയിംസും ചേര്ന്നാണ്. ആദം ജോണിന്റെ സംവിധായകനും ‘ലണ്ടൻ ബ്രിഡ്ജ്’, ‘മാസ്റ്റേഴ്സ്’ എന്നീ ചിത്രങ്ങളുടെ തിരക്കഥാകൃത്തുമായ ജിനു എബ്രഹാമാണ് ‘കടുവ’യുടെയും രചന നിര്വഹിച്ചിരിക്കുന്നത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here