സർക്കാരിന്റെ ആഡംബരക്കപ്പലിന് ഈ അവധിക്കാലത്ത് റെക്കോർഡ് വരുമാനം എന്ന് പറഞ്ഞാൽ നിങ്ങൾ വിശ്വസിക്കുമോ ? എന്നാൽ വിശ്വസിക്കണം . മെയ് മാസം മാത്രം ഒരു കോടി രൂപ വരുമാനം സ്വന്തമാക്കി നെഫ്രിറ്റിറ്റിയെന്ന ആഡംബരക്കപ്പൽ കൊച്ചിയിലെത്തുന്ന വിനോദ സഞ്ചാരികൾ വേറിട്ട യാത്രാനുഭവമാണ് നൽകുന്നത് .സീസണിലെ അവസാന യാത്ര പൂർത്തിയാക്കാൻ പോവുകയാണ് നെഫ്രിറ്റിറ്റി . ഇനി കുറച്ച് നാൾ വിശ്രമത്തിൽ ആയിരിക്കും .
ടൂറിസം മേഖലയിൽ കെഎസ്ഐഎൻസിയുടെ പുത്തൻ പരീക്ഷണമായിരുന്നു നെഫ്രിറ്റിറ്റി .വ്യക്തിഗത ടിക്കറ്റ് യാത്രകൾക്കൊപ്പം ബിസിനസ്സ് മീറ്റിംഗുകൾക്കും, വിവാഹചടങ്ങുകൾക്കും മറ്റ് ആഘോഷങ്ങൾക്കും ക്രൂയിസിലെ ഹാൾ വാടകയ്ക്ക് നൽകും .48 മീറ്റർ നീളവും 15 മീറ്റർ വീതിയുമുളള നെഫർറ്റിറ്റി എന്ന മിനി ക്രൂയിസ് ഷിപ്പിൽ 200 പേർക്ക് ഇരിക്കാവുന്ന ബാങ്ക്വറ്റ് ഹാൾ, റെസ്റ്റോറൻറ്, കുട്ടികൾക്കുളള കളിസ്ഥലം, സൺഡെക്ക് ലോഞ്ച് ,ബാർ, 3ഡി തിയേറ്റർ തുടങ്ങിയവ സജീകരിച്ചിട്ടുണ്ട്.
കപ്പലിൽ നിന്നുള്ള ഒരൊറ്റ മാസത്തെ വരുമാനം ഒരു കോടി കടന്നിരിക്കുകയാണ് ഇപ്പോൾ . മെയ് മാസത്തിൽ മാത്രം മുപ്പതിലേറെ ട്രിപ്പുകൾ പൂർത്തിയാക്കി ഒരു കോടിയിലധികം വരുമാനം നേടി, സീസണിൽ എല്ലാ ട്രിപ്പുകളും ഫുൾ ബുക്കിങ് ആയിരുന്നു.മർച്ചൻറ് ഷിപ്പിംഗ് ആക്ട് അനുസരിച്ച് റജിസ്റ്റർ ചെയ്ത ഈ കപ്പൽ പുറം കടലിൽ പോകാൻ ഐ.ആർ.എസ്. ക്ലാസ്സിലാണ് പണിതിരിക്കുന്നത്. 12 നോട്ടിക്കൽ മൈൽ വരെ ഉൾക്കടലിലേക്ക് ക്രൂയിസിന് സഞ്ചരിയ്ക്കാൻ അനുമതിയുണ്ട്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here