മുക്കത്തെ ഈദ്ഗാഹ്‌ നമസ്ക്കാരത്തിനിടെ വിദ്യാർഥി കുഴഞ്ഞുവീണ് മരിച്ചു(death). മുക്കം(mukkam) സർവീസ് സഹ. ബാങ്ക് മുൻ സെക്രട്ടറി കാരമൂല പി ടി ഉസ്സൻ്റെ മകൻ ഹനാൻ ഹുസൈൻ (19) ആണ് മരിച്ചത്‌.
മുക്കം നഫ്ന കോംപ്ലക്സിലെ സംയുക്ത ഈദ്ഗാഹിലാണ്‌ കുഴഞ്ഞുവീണത്‌. മയ്യത്ത് നമസ്ക്കാരം വൈകിട്ട് അഞ്ചിന് നെല്ലിക്കുത്ത് ജുമാ മസ്ജിദിൽ നടക്കും.
India: ഇന്ത്യയിലെ മതേതര വിശ്വാസം തികഞ്ഞ നിരാശയിൽ; പാളയം ഇമാം
ഇന്ത്യ(india)യിലെ മതേതര വിശ്വാസം തികഞ്ഞ നിരാശയിലെന്ന് പാളയം ഇമാം(palayam imam) ഡോ: വി.പി സുഹൈബ് മൗലവി. മതസൗഹാർദ പാരമ്പര്യമാണ് നമ്മുടെ രാജ്യത്തെ നിലനിർത്തുന്നതെന്നും നിർഭാഗ്യവശാൽ രാജ്യത്ത് ചില സംഭവങ്ങൾ ഉണ്ടാകുന്നുവെന്നും അദ്ദേഹം ഈദ് നമസ്കാരത്തിന് ശേഷം നടത്തിയ പ്രഭാഷണത്തിൽ കൂട്ടിച്ചേർത്തു.
‘നന്മുടെ രാജ്യത്ത് ഉത്തരവാദിത്തപ്പെട്ടവരിൽ നിന്ന് പ്രവാചകനിന്ദ ഉണ്ടാകുന്നു. രാജ്യത്തിൻ്റെ സൗന്ദര്യം തന്നെ ബഹുസ്വരതയാണ്. ഗ്യാൻ വാപി മസ്ജിദ് പളളിയായും കാശി വിശ്വനാഥ് ക്ഷേത്രമായും നിലകൊള്ളണം. ഫാസിസ്റ്റുകളുടെ ഭാഗത്ത് നിന്ന് രാജ്യം വെല്ലുവിളി നേരിടുകയാണ്’, അദ്ദേഹം പറഞ്ഞു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
