തട്ടിക്കൊണ്ട്പോയ പാലക്കാട് പോക്സോ കേസ് അതിജീവിതയെ പൊലീസ് കണ്ടെത്തി. ഗുരുവായൂരിൽ നിന്ന് മാതാപിതാക്കൾക്കൊപ്പമാണ് കുട്ടിയെ കണ്ടെത്തിയത്. പ്രത്യേക അന്വേഷണ സംഘമാണ് കുട്ടിയെ കണ്ടെത്തിയത്. ഞായറാഴ്ച വൈകീട്ടാണ് 11കാരിയായ പെൺകുട്ടിയെ പ്രതിയായ ചെറിയച്ഛനും സംഘവും തട്ടിക്കൊണ്ടു പോയത്.
പാലക്കാട് പോക്സോ കേസ് അതിജീവിതയെ കാണാതായ സംഭവത്തില് പ്രതിക്കും കുട്ടിയുടെ അമ്മക്കുമെതിരെ കുട്ടിയുടെ സംരക്ഷണചുമതലയുളളവർ രംഗത്തെത്തിയിരുന്നു. അമ്മയുടെ സാന്നിധ്യത്തിലാണ് മൊഴിമാറ്റാന് കുട്ടിയെ ബലംപ്രയോഗിച്ച് കൊണ്ടുപോയത്.
പ്രതിയടങ്ങുന്ന സംഘം ഞായറാഴ്ച വൈകിട്ടാണ് കുട്ടിയെ തട്ടിക്കൊണ്ടുപോയത്. 16 നാണ് കേസിന്റെ വിചാരണ ആരംഭിക്കുന്നത്. മൊഴിമാറ്റാനാണ് പെണ്കുട്ടിയെ പ്രതിയുടെ നേതൃത്വത്തില് തട്ടിക്കൊണ്ടുപോയതെന്നാണ് സംരക്ഷണ ചുമതലയുള്ള മുത്തശ്ശിയും മാതൃസഹോദരിയും പറയുന്നത്.
വീട്ടിലുണ്ടായിരുന്ന കുട്ടികള് ഉള്പ്പെടെ എല്ലാവരേയും മര്ദ്ദിച്ചാണ് സംഘം അതിജീവിതയെ കടത്തിക്കൊണ്ടുപോയത്. കുട്ടി അമ്മക്കൊപ്പം ഉണ്ടെന്നാണ് കരുതുന്നത്. നേരത്തേയും മൊഴിമാറ്റാൻ പ്രതികൾ സമ്മർദ്ദമുണ്ടാക്കിയിരുന്നു.
ഉപദ്രവിക്കുമോ എന്ന് ആശങ്കയുണ്ടെന്നും മുത്തശ്ശി പറഞ്ഞു. പ്രതിക്ക് അനുകൂലമായി മൊഴിമാറ്റാനാണ് അതിജീവിതയെ തട്ടിക്കൊണ്ടുപോയത് എന്നാണ് പൊലീസിന്റെ നിഗമനം. പെൺകുട്ടിയെ തട്ടിക്കൊണ്ടുപോകാൻ എത്തിയ കാറിന്റെ നമ്പർ പ്ലേറ്റ് മറിച്ചിരുന്നു.
പ്രതികളെ സഹായിക്കാൻ ബൈക്കിൽ എത്തിയവരെ അന്വേഷിച്ചെങ്കിലും നമ്പർ പ്ലേറ്റ് വ്യാജമാണെന്ന് കണ്ടെത്തി. സംഭവങ്ങളുടെ സിസിടിവി പൊലീസിന് ലഭിച്ചിരുന്നു. ഇത് കേന്ദ്രീകരിച്ചായിരുന്നു അന്വേഷണം.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here