ഈ വര്‍ഷത്തെ ഏറ്റവും വലിയ സൂപ്പര്‍ മൂണ്‍ ഇന്ത്യയില്‍ ദൃശ്യമാകാന്‍ ഇനി ഒരു ദിവസം മാത്രം.ഇന്ത്യയില്‍ വ്യാഴാഴ്‌ച രാത്രിയാണ് സൂപ്പര്‍ മൂണ്‍ ദൃശ്യമാകുക.ചന്ദ്രന്‍ അതിന്‍റെ ഭ്രമണപഥത്തില്‍ ഭൂമിയോട് ഏറ്റവും അടുക്കുന്ന സമയത്തെ പൗര്‍ണമിയെയാണ് സൂപ്പര്‍ മൂണ്‍ എന്ന് വിളിക്കുന്നത്.
ഈ സമയത്ത് ചന്ദ്രനെ സാധരണ പൗര്‍ണമി ദിവസത്തേക്കാള്‍ അപേക്ഷിച്ച്‌ കൂടുതല്‍ വലിപ്പത്തിലും കൂടുതല്‍ പ്രകാശത്തിലുമാണ് ദൃശ്യമാകുക.ഭൂമിയില്‍ നിന്ന് 3,57,418 കിലോമീറ്റര്‍ ദൂരത്തായിരിക്കും വരാന്‍ പോകുന്ന സൂപ്പര്‍ മൂണില്‍ ചന്ദ്രന്‍റെ സ്ഥാനം.ഈ വര്‍ഷം ജൂണ്‍ 14ലെ സൂപ്പര്‍ മൂണ്‍ സമയത്തേക്കാളും 200 കിലോമീറ്റര്‍ അടുത്തായിരിക്കും ഇത്തവണത്തെ സൂപ്പര്‍ മൂണ്‍.
ഒരു വര്‍ഷം മൂന്നോ നാലോ സൂപ്പര്‍ മൂണ്‍ പ്രതിഭാസങ്ങളാണ് ഉണ്ടാകാറുള്ളത്.തുടര്‍ച്ചയായ മാസങ്ങളിലായിരിക്കും സൂപ്പര്‍ മൂണ്‍ ഉണ്ടാകുക.ഈ വര്‍ഷത്തെ മൂന്നാമത്തേതും അവസാനത്തേതുമായ സൂപ്പര്‍ മൂണ്‍ നവംബറിലാണ്.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
