ലെഫ്റ്റനന്റ് റാമിന്റെയും സീതാ മഹാലക്ഷ്മിയുടെയും പ്രണയം പറയുന്ന ചിത്രം സീതാരാമത്തിലെ ഗൗതം വാസുദേവ് മേനോന്റെ ക്യാരക്ടര് പോസ്റ്റര് പുറത്ത്. മേജര് സെല്വന് ആയിട്ടാണ് ഗൗതം വാസുദേവ് മേനോന് വേഷമിടുന്നത്. ദുല്ഖര് സല്മാനും , ഹനു രാഘവപുടിയും , സ്വപ്ന സിനിമാസും ഒന്നിക്കുന്ന സീതാരാമം 2022 ഓഗസ്റ്റ് അഞ്ചിന് ലോകമെമ്പാടുമുള്ള തിയേറ്ററുകളില് പ്രദര്ശനത്തിനെത്തുകയാണ്.
വൈജയന്തി മൂവീസ് അവതരിപ്പിക്കുന്ന സീതാരാമം, പ്രേക്ഷകര് ഏറെ പ്രതീക്ഷയോടെ കാത്തിരിക്കുന്ന പ്രണയകഥയാണ്. ദുല്ഖര് സല്മാന് നായകനാകുന്ന ചിത്രത്തില് പ്രണയ ജോഡി ആയി മൃണാല് തക്കൂര് എത്തുന്നു. ഒപ്പം മറ്റൊരു പ്രധാന വേഷത്തില് രശ്മിക മന്ദാനയുമുണ്ട്. പ്രണയകഥകളുടെ മാസ്റ്റര് ഹനു രാഘവപുടിയാണ് ചിത്രം സംവിധാനം ചെയ്യുന്നത്. സ്വപ്ന സിനിമയുടെ കീഴില് അശ്വിനി ദത്താണ് ചിത്രം നിര്മ്മിക്കുന്നത്.
തെലുങ്ക്, തമിഴ്, മലയാളം ഭാഷകളില് ഒരേസമയം നിര്മ്മിക്കുന്ന സീതാരാമത്തിന്റെ ഛായാഗ്രഹണം പി എസ് വിനോദാണ്. അഡീഷണല് ഛായാഗ്രഹണം നിര്വ്വഹിച്ചിരിക്കുന്നത് ശ്രേയസ് കൃഷ്ണയാണ്.
അഭിനേതാക്കള്: ദുല്ഖര് സല്മാന്, മൃണാള് താക്കൂര്, രശ്മിക മന്ദന്ന, സുമന്ത്, ഗൗതം മേനോന്, പ്രകാശ് രാജ്, തരുണ് ഭാസ്ക്കര്, ശത്രു, ഭൂമിക ചൗള, രുക്മിണി വിജയ് കുമാര്, സച്ചിന് ഖേദേക്കര്, മുരളി ശര്മ്മ, വെണ്ണേല കിഷോര് തുടങ്ങിയവര് വേഷമിടുന്നു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here