മദ്യലഹരിയില്‍ സിനിമ കാണാനെത്തിയ യുവതിയും യുവാവും ടിക്കറ്റ് കിട്ടാതെ വന്നതോടെ കൈത്തണ്ട മുറിച്ചു. കോട്ടയം അഭിലാഷ് തിയേറ്ററില്‍ ശനിയാഴ്ച വൈകീട്ട് അഞ്ച് മണിയോടെയാണ് നാടകീയമായ സംഭവങ്ങള്‍ അരങ്ങേറിയത്. ഏറ്റുമാനൂര്‍ സ്വദേശികളായ യുവതിയും സഹോദരനുമാണ് ടിക്കറ്റ് നല്‍കാത്തതില്‍ പ്രതിഷേധിച്ച് ബ്ലേഡുകൊണ്ട് കൈഞരമ്പ് മുറിച്ചത്.
പൃഥ്വിരാജും ഷാജി കൈലാസും ഒന്നിച്ച കടുവ സിനിമ കാണാനായാണ് ഇരുവരും തിയറ്ററില്‍ എത്തിയത്. ഫസ്റ്റ് ഷോയ്ക്ക് എത്തിയ ഇവര്‍ മദ്യലഹരിയിലായിരുന്നു. അതിനാല്‍ ടിക്കറ്റ് നല്‍കാന്‍ ജീവനക്കാര്‍ തയാറായില്ല. ഇതോടെ ക്ഷുഭിതരായ ഇവര്‍ ജീവനക്കാരുമായി വാക്കേറ്റം നടത്തി. തുടര്‍ന്ന് തിയേറ്ററിന് മുന്നില്‍ ചെന്നിരുന്ന ഇവര്‍ ബ്ലേഡ് ഉപയോഗിച്ച് കൈഞരമ്പ് മുറിക്കുകയായിരുന്നു.
സംഭവം കണ്ട ജീവനക്കാര്‍ ഉടന്‍ തന്നെ പൊലീസില്‍ വിവരം അറിയിച്ചു. തുടര്‍ന്ന് കോട്ടയം വെസ്റ്റ് പൊലീസ് സ്ഥലത്തെത്തി ഇരുവരുമായി സംസാരിച്ച് പ്രശ്നം പരിഹരിച്ചു. പരിക്ക് ഗുരുതരമല്ലെന്ന് കണ്ടതോടെ ഇവരെ പൊലീസ് വീട്ടിലേക്ക് പറഞ്ഞയച്ചു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
