ടൊവിനോ തോമസ്, കല്യാണി പ്രിയദര്ശന്, ഷൈൻ ടോം ചാക്കോ തുടങ്ങിയവർ കേന്ദ്ര കഥാപാത്രങ്ങളാകുന്ന ‘തല്ലുമാല’യുടെ ട്രെയിലര് പുറത്തുവിട്ടു. ആക്ഷനും കോമഡിയുമൊക്കെ സമം ചേർത്തുവെച്ചൊരു ടോട്ടൽ എന്റര്ടെയ്നർ തന്നെയാണെന്നാണ് ട്രെയിലറിൽ നിന്ന് മനസ്സിലാക്കാനാവുന്നത്, യൂട്യൂബ് ട്രെൻഡിംഗ് നമ്പർ 2-ൽ എത്തിയിരിക്കുകയാണിപ്പോൾ ട്രെയിലർ.
കഴിഞ്ഞ ദിവസം എറണാകുളം ലുലു മാളില് വച്ച് നടന്ന പരിപാടിയിലാണ് ട്രെയിലര് ലോഞ്ച് ചെയ്തത്. ട്രെയിലര് ടൊവിനോ സോഷ്യൽമീഡിയയിൽ പങ്കുവച്ചു. ഒരു കംപ്ലീറ്റ് എന്റര്ടെയ്നറെന്ന സൂചനയാണ് ട്രെയിലറില് നിന്നും വ്യക്തമാണ്. മണവാളന് വസീം ആയി ടൊവിനോയും വോഗ്ലര് ബീപാത്തുവായി കല്യാണിയും ചിത്രത്തിൽ എത്തുന്നു. പോലീസ് വേഷത്തിലാണ് ഷൈനിന്റെ കഥാപാത്രം.
ഖാലിദ് റഹ്മാന് സംവിധാനം ചെയ്യുന്ന ‘തല്ലുമാല’ ഓഗസ്റ്റ് 12നാണ് റിലീസ് ചെയ്യുന്നത്. ആഷിക് ഉസ്മാന് പ്രൊഡക്ഷന്സിന്റെ ബാനറില് ആഷിഖ് ഉസ്മാന് ആണ് ചിത്രം നിര്മ്മിക്കുന്നത്. ലുക്ക്മാന്, ചെമ്പന് വിനോദ്,ജോണി ആന്റണി, ഓസ്റ്റിന്, അസീം ജമാല് തുടങ്ങിയവരാണ് ചിത്രത്തിലെ മറ്റു പ്രമുഖ താരങ്ങള്.
മുഹ്സിന് പരാരി, അഷ്റഫ് ഹംസ എന്നിവരാണ് സിനിമയുടെ രചന. ക്യാമറ-ജിംഷി ഖാലിദ്, സംഗീതം-വിഷ്ണു വിജയ്, ഗാനരചന-മുഹ്സിന് പരാരി, പ്രൊഡക്ഷന് കണ്ട്രോളര്-സുധര്മന് വള്ളിക്കുന്ന്, എഡിറ്റര്-നിഷാദ് യൂസഫ്, ആര്ട്ട് ഗോകുല്ദാസ്, മേക്കപ്പ് റോണക്സ് സേവ്യര്, ചീഫ് അസോസിയേറ്റ് റഫീഖ് ഇബ്രാഹിം, ഡിസൈന് ഓള്ഡ്മോങ്ക്, സ്റ്റില്സ് വിഷ്ണു തണ്ടാശ്ശേരി എന്നിവരാണ്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here